P-Noy gamit na gamit na ni Pia

Hindi naman siguro pagpapapansin ang dahilan kaya nababanggit ng madalas ni Bb. Pilipinas Universe Pia Wurtzbach si P-Noy.

Talaga lang sigurong proud siya na maging friend ng pangulo at isipin ng mga tao na muntik na siyang maging first lady.

Sarah hindi pabor na pinagpipiyestahan ang pakikipagrelasyon

Mahal talaga ni Sarah Geronimo si Matteo Guidicelli. Hindi niya natiis na hindi puntahan ang first major concert ng nobyo nung Sabado sa Music Museum. Pero nanatili siya sa backstage para hindi na mamalas ng lahat at maging tampulan pa sila ng usap-usapan. Tama na ‘yung nasuportahan niya si Matteo.

Mga pelikula tungkol sa mga bayani dapat pakialaman ng Philippine Historical Commission

Paano kaya ginawan ng paraan na mapaganda ang imahe ni Hen. Emilio Aguinaldo na nasira ng ilang mga pelikula tungkol sa ilang bayani ng bansa? ‘Yun nga ang ipinagsisintir ko, ang matagal ko nang mga iginagalang at hinahangaang bayani ng bansa simula pagkabata ay lumabas na may hindi magandang imahe sa ilang mga pelikulang ipinalabas na.

Hindi ba ang mga pelikula tungkol sa ating mga bayani ay dapat may basbas din ang ating Philippine Historical Commission? Tsk. Tsk. Tsk.