James napungot sa i ntriga

CEBU, Philippines – Wala na makaantos si   James Reid   ug nigahot na gyud kini  sa  alegasyon   nga matud pa  nagromansa sila sa  Kapamilya star nga si Julia Barretto sa usa ka resto-bar.

Pinaagi sa Facebook account,   ni-post si James og mensahe kagahapon  sa kadlawon, ug  mihimakak kini sa maong taho.

"Give me a break. Does anyone really think I would have sex in a bar/public place... Stupid. If everyone wasn't so gullible I wouldn't even have to be explaining my private life right now .Cut the bu****t. Stop the hate,” nagkanayon si James. Kahinumduman nga usa ka Facebook user nga ginganlan og  Inah Evans ang nag-post sa maong istorya kalabot  sa iyang nakit-an sa pagtikang niya sa usa ka resto sa  The Fort, Bonifacio Global City, niadtong  November 23. Suma pa ni Inah nga nitikang siya sa maong bar sa dihang nasayran niya nga naa ang  iyang idolo nga si James.

Pag-abot niya sa resto-bar, niduol siya kang  James ug nihangyo nga magpahulagway  apan mibalibad ang aktor pinaagi sa pag-ingon: "Not today. Maybe next time." Nakaingon ang maong fan nga hambugero ug presko ra kaayo ang maong aktor. Gisaysay usab ni  Inah nga kauban ni  James niadtong higayona ang  co-housemate niya sa PBB: Teen Clash 2010 nga si Patrick Sugui ug ang aktres nga si  Julia Barretto. "...he's so occupied kissing and flirting Julia Barretto that time... Kulang na lang kasi mag-sex sila sa harapan naming,” lenggua pa ni Inah.

Dugay na nga na-link si  James ug Julia apan susama nila nga gihimakak nga matud pa duna sila’y tinagoang relasyon.