Alonzo nakakatalon sa iba’t ibang network
Wala palang kontrata si Alonzo Muhlach sa Kapamilya. Kaya naman may gagawin siyang serye sa TV5. Maswerte siya kung makakapagpalipat-lipat siya ng channel.
Kapatid artists takot mawalan ng trabaho
Kabado ang mga Kapatid artist sa pagpasok ng Viva big boss na si Vic del Rosario sa TV5. Marami ang matagal nang nasa istasyon ang natatakot na baka masapawan na sila ng mga dadalhin sa istasyon na Viva talents.
Ganun ba?
Vic may abogado na
Hindi pala ang pagpasok niya sa pulitika ang susunod na pagkakaabalahan ni Bossing Vic Sotto kundi ang kandidatura ng anak niya kay Coney Reyes na si Vico Sotto na tatakbong konsehal sa lungsod ng Pasig.
Isang abogado ang nakakabatang Sotto.
Child Haus hindi na lang basta kanlungan ng mga batang may sakit
Pelikula na ang Child Haus ng kaibigan kong si Mother Ricky Reyes. Ang Child Haus ang nagkakanlong sa mga batang may sakit na cancer kaya nakasisiguro tayo ng isang madamdaming movie na nagtatampok sa mga batang artista tulad nina Miggs Cuaderno, Mona Louise Rey, Therese Malvar, Vubcent Magbanua, Erika Yuson, Felixia Dizon kasama sina Katrina Halili, Leni Santos, Christopher Roxas, Ina Feleo, at partisipasyon ni Mother Ricky na dinirek ni Louie Ignacio.
May premiere night ito sa Nov. 28 sa Cinema 6 ng SM Megamall.
Dala na kayo ng panyo at siguradong iiyak kayo.
- Latest
