Transgender lakip sa makigtigi sa Sinulog Idol 2016!

CEBU, Philippines - Sa labing unang higayon sa kasaysayan sa Sinulog Idol, usa ka transgender ang lakip nga mutungtong sa Sinulog Festival Stage diha sa Fuente Osmena Circle isip usa sa 12 finalist alang sa Season 7 sa tinuig na nga Sinulog Idol competition.

Siya mao ang 23-anyos nga si Kristoffer "Kristie" Bedua nga taga Barangay Pasil, dakbayan sa Sugbo.

Nikabat ngadto sa 102 ang nanimpad sa duha ka adlaw nga auditions niadtong November 7 ug 8, diha sa Sinulog Foundation office sa Cebu City Sports Complex.

Sa maong gidaghanon, 33 ang nauyonan sa mga resident judges nga naglangkob nila ni World Championships of the Performing Arts (WCOPA) chairperson Jay Unchuan, ex-Pinoy Dream Academy scholar Apple Abarquez ug Banat News Hugyaw (BNH) editor Ryan Mark, ug maoy gipabalik niadtong Domingo, November 15, alang sa call back.

Ang bulahan nga nauyonan sa mga hurado nga gilangkuban sa resident judges kauban usab ang Sinulog Idol host ug media personality Sam Costanilla ug Sinulog Idol director Eli Manlangit mao kining musunod:

1. May Kayla Barrientos, 17, CTU, Lapulapu City

2. Genevieve Roche Flores, 18, UC, Mandaue

3. Niña Riza Naputo, 23, CDU, Liloan, Cebu

4. Mary Abigail Salimbagat, 24, nurse, Consolacion, Cebu

5. Jessie Joy Veado, 19, UC, Parian, Cebu City

6. Kristoffer Kristie Bedua, 23, UC, Pasil, Cebu City

7. Felix Baoy Jr., 24, AMA, Lapulapu City

8. Denise Jeremiah Exaltacion, 18, USJR, Guadalupe,

9. Michael  Anthony Lao, 24, nurse, Pasil, Cebu City

10. Benedict Paraiso, 21, USC, Talisay City

11. Jose Thaddeus Roble  III, 23, employed, Danao City

12. Roy Lotfel Racaza, 19, USC, Consolacion

Ang Sinulog Idol S7 mahitabo matag alas otso sa gabii diha sa Fuente Osmeña sugod sa January 8 ngadto sa 14 sunod tuig.

Ang Sinulog Idol production sa Sinulog Idol Foundation inabagan sa Soundtraxx Production Studio nga gipanag-iya sa magtiayong Gloria ug Gani Villarojo.

Gisugdan unom ka tuig na ang nilabay, lakip sa mga mananaog mao sila si Jacqueline Chang, Raechelle Faelnar, Ronna Lofranco, Chingkie Ressurecion, Claudio Deiparine ug KC Dilao.

Iñigo ug Miles sa MMK       

Sila si Iñigo Pascual ug Miles Ocampo maoy magpares sa episode sa Maalaala Mo Kaya karong Sabado sa gabii.

Modala si Inigo sa bug-at nga role isip spoken word artist nga nahigugma sa iyang schoolmate hangtud nga nagkadayon sila niini.

Daghang hagit ang nasugatan sa ilang relasyon.

Malakip usab sa maong episode sila si  Andrea Del Rosario, Jon Lucas, Pat Sugui, Miggy Campbell, Yanna Asistio, Young JV, Julian Estrada, Minco Fabregas, Paolo Santiago, Christian Alano, ug Ronnie Alonte.

Topher ug Stephanie, may something?

Nag-trending sa Twitter sa nilabay nga adlaw ang homegrown talent nga si Stephanie ug ang Mr. Pastillas runner-up nga si Toper gumikan kay nagkagubot ang ilang mga fans, ilabi na sa habig sa reality show star.

Kini dihang nag-post og hulagway nilang duha ni Stephanie si Topher nga may caption nga: Ang bagong magandang Singer ng Cebu. Congrats sa album mo."

Kahinumduman nga usa sa mga guest sa album launching ni Stephanie dinhi sa Sugbo niadtong Sabado si Topher, diin  nagpahulagway silang duha. Ang maong hulagway mao ang gi-post ni Toper sa iyang Twitter account.

Dinhi wala nay hunong ang mga sungog-sungog gikan sa ilang followers. Ang mga  nag-una pagsungog nilang duha mao ang Mr. Pastillas winner mismo nga si Richard Parojinog.

Suma pa sa pipila ka followers ni Topher nga angayan kaayo silang duruha tan-awon ug dili imposible nga magkarelasyon sila sanglit managsama man sila nga walay mga uyab karon.

"Oo single kami pareho,   natutuwa ako sa reaksyon ng mga tao, pero  sa ngayon kaibigan lang talaga kami," suma pa ni Toper sa dihang nahinabi sa Banat News Hugyaw pinaagi sa telepono kagahapon.

  Samtang si Steph sa iyang bahin, nakugang usab sa mga reaksyon, hinuon gidayeg niya ang batasan ni Topher gumikan kay buotan ug dili kini arte nga pagkatawo.

"Dili pud ko makaingon nga crush nako siya , hahaha, basta grabe ako paghanga niya. Samot na pag-discover nako nga kahibalo pud siya mo-play og drum," reaksyon ni Stephanie.

   Matud pa niya nga bag-ohay lang siya nga nagkabulag sa iyang boyfriend busa dili pa siya makasulti kung andam ba siya mosulod og bag-ong relasyon ilabi na nga ang iyang career pa ang giatiman niya karong panahona.

Dinhi sa Sugbo gilusad ni Stephanie ang iyang self-titled album nga adunay unom ka mga kanta. Lima sa maong mga kanta sinuwat sa award-winning composer nga si Vehnee Saturno, samtang ang ika-unom nga nag-ulohan og" These Empty Words" mugna mismo ni Stephanie ug gimugnaan og melody ni Homer Cang.

Motigi sa grand finals

Nakasulod ang Filipino-Australian singer nga  si  Cyrus Villanueva sa grand finals sa  "X Factor Australia". Dakong garbo alang kang Cyrus nga makatungtong sa grand finals gumikan kay dili lalim ang iyang gipang-agian.

ASAP pamub-an?

Gidungog nga pamub-an ang oras sa ASAP sa ABS-CBN gumikan kay duna'y bag-ong show ang ipasulod  sa adlaw nga Domingo.  Apan duna'y mga nagduda nga posibleng timailhan na kini nga nalupigan na gyud ang maong show sa kaatbang niini nga Sunday Pinasaya sa GMA-7.

Dili feel mag-Valentina

Gihimakak ni  Iza Calzado ang taho nga matud pa siya 'y modala sa role nga Valentina sa  pelikulang Darna. " I'd rather do something that's more character intensive," suma pa sa aktres.

Alang sa anak

Nagpabiling performer si Gian Magdangal sa Hong Kong Disneyland ug wala siya'y plano nga moundang niini gumikan kay giseguro niya ang kaugmaon sa iyang siyete anyos nga anak.

Kalingawan ang tumong

 Alang kang Coco Martin, wala'y kompetisyon  sa tanang  entries  sa  Metro Manila Film Festival (MMFF) .  Suma pa sa aktor nga ang paghatag og kalingawan sa mga tawo ang tumong sa paggama og pelikula.  Malakip si Coco sa Beauty and the Bestie" kung diin kauban niya sila si Vice Ganda, James Reid, Nadine Lustre ug Karla Estrada."Sa akin personally, hindi ko kasi iniisip 'yun. Every time gumagawa ako ng trabaho, ang tinitingnan ko 'yung produktong ginagawa ko. Kapag inisip ko ang mga bagay na 'yun, hindi maganda," tsika pa ni Coco ngadto sa  ABS-CBN News .

35 ka tuig na!

Miabot na og 35 ka tuig ang kaminyuon nila ni Eddie Gutierrez ug Annabelle Rama.  Gipasigarbo ni Eddie ang iyang asawa gumikan kay mapinanggaon kini.

Sapatos nahurot

Nakuryuso ang pipila ka fans nila ni Alden Richards ug Maine Mendoza sa couple shoes nga  gisul-ob sa lang idolo sa usa ka episode sa kalyeserye sa Eat Bulaga. Ilaha kining gi-research og maayo ug nahibaw-an gyud nila kung diin kini palita. Pagkasunod adlaw niana, nahutdan og stocks ang sapatos nga susama sa gisul-ob sa AlDub gumikan  sa kadaghan og  namalit niini.

Nagkauban na gyud

Dakong garbo alang kang Gladys Reyes nga maka-eksena niya si Nora Aunor sa bag-ong serye sa GMA-7 nga Little Nanay. Kontrabida ang role ni Gladys sa maong serye. Wala damha sa aktres nga sa kadugay na niya sa showbiz, naabot gyud ang panahon nga nakauban niya  ang superstar sa usa ka proyekto. 

Sekreto ni Richard

Kamote ug sinugbang isda maoy kinaon ni Richard Gutierrez aron mamintinar ang maayong pamorma sa iyang lawas. Inubanan usab kini sa regular nga ehersisyo.  Nangandam na ang aktor sa pagbalik niya sa pag-arte.

Janella nataypan sa Disneyland

Ang kapamilya star nga si Janella Salvador maoy napilian nga mokanta sa theme song  sa 10th anniversary  sa  Hong Kong Disneyland nga "Happily Ever After".    Puwerting lipaya ni Janella gumikan kay dili kini basta-basta nga proyekto.

The Voice- USA pag-umangkon ni Gwen nakasulod sa top 11

Nakatungtong sa sunod nga round sa The Voice- USA ang pag-umangkon ni  Cebu 3rd District Representative Gwendolyn Garcia nga si Amy Vachal.

Gianunsyo kini niadtong Martes sa gabii busa nagpanikad na ang maong Filipino-American singer alang sa sunod niya nga pag-awit sunod semana.

Gikanta ni Amy ang acoustic version sa awit ni  Drake nga  "Hotline Bling" kung diin nakadawat kini og mga pagdayeg gikan sa mga hurado  nga sila si  Adam Levine, Blake Shelton, Gwen Stefani ug Pharrell Willians.

Kauban niya sa  Top 11 mao sila si  Jordan Smith, Jeffery Austin, Emily Ann Roberts, Madi Davis, Braiden Sunshine, Barrett Baber, Evan McKeel, Shelby Brown, Zach Seabaugh ug  Korin Bukowski.

"I'm so excited to jump in to the live performances and just throw myself into every single song that I'm given," nagkanayon  si Amy.

Si Mark Hood maoy natagak sa bag-ohay lang nga elimination round sa maong show.  (BANAT NEWS)