Pagiging usisera ni Kris hindi tumalab kay Sam

Matapos ang failed relationship with Anne Curtis at ang hindi pagkakatuloy ng pagpaparamdam niya kay Maja Salvador bago pa ito makipagrelas­yon kay Gerald Anderson, isang blogger/model from Australia na ang nililigawan ni Sam Milby, nililigawan pa lang at hindi pa girlfriend huh! Napaka-mum ng aktor sa identity ng girl at maski si Kris Aquino ay nahirapan siyang paaminin.

Kung gaano kalihim si Sam sa kanyang bagong “girl”, panay naman ang pahaging nito sa social media na pawang speculations lamang daw ito. In time siguro, kapag nakuha na niya ang puso ng model, hindi na niya ito ililihim.

Kasama si Sam sa now ongoing series na Doble Kara starring Julia Montes. Muntik na niyang tanggihan ang role dahil sa sked. May ginagawa kasi siyang isa pang serye, ang Written In Our Stars at ang paghahanda niya sa kanyang major concert sa Kia Theater sa katapusan ng buwang ito.

Baka umalis rin kasi siyang muli para sa iba pang patrabaho sa kanya ng Kapamilya Network.

JM sinukuan na ng pamilya sa kanyang bisyo?!

Maraming gustong sisihin si JM de Guzman sa pagbalik niya sa kanyang bisyo. Marami ang naghahanap sa kanyang ama na siyang pangunahing tumulong para siya maipasok sa rehab nung una. Bakit daw ngayon ay parang wala itong ginagawa para sa problema ni JM?

Mas malaki raw ang problema kapag ang isang na-rehab ay bumalik sa kanyang bisyo. Wala raw ba itong balak na pangunahan ang muling pagbabalik sa kanyang anak sa kahinahunan?

Wala na si Jessy Mendiola na dati’y nagsilbing inspirasyon sa aktor kaya nakasalalay sa pamilya at kaibigan ng aktor ang mabilis nitong paggaling muli. Tsk. Tsk. Tsk.

Lito Lapid maganda ang kumbinasyon kay Michelle Ortega

Maganda ang kumbinasyon nina Sen. Lito Lapid at Michelle Ortega, dating miyembro ng That’s Entertainment ni Kuya Germs. Ang anak nilang si Ysabel Ortega ang baguhan na umaagaw ng pansin sa popular na seryeng On The Wings Of Love ng ABS-CBN.

Sustentado pa rin daw siya ng amang pulitiko.

Tama lang ang desisyon niya na magsimula ng kanyang pag-aartista sa isang sinusubaybayang serye dahil mabilis siyang nakikilala at napapansin.