Sam namaligya og bikini

CEBU, Philippines - Gawas sa iyang showbiz career, busy usab si Sam Pinto sa iyang negosyo nga bikini. Siya ra pud ang designer ug modelo niini.  "Since I love the beach, why not make bikinis? Katatapos lang ng first collection so nasa second collection na 'ko on designing," tsika pa ni Sam ngadto sa GMA News.

Polo gitawag og “laos”

Wala matandog si Polo Ravales sa lenggua sa pipila niya ka bashers nga matud pa “laos” na ang iyang showbiz career.  Suma pa sa aktor nga duna siya’y nakalinya nga mga proyekto busa wala gihapon mosaler ang mga mensahe sa iyang bashers.

Richard molugwa sa TV5

Nangandam na si   Richard Gutierrez alang sa dako niya nga proyekto sa TV5.  Naghinam-hinam na ang aktor niini gumikan kay gimingaw na siya mo-arte atubangan sa kamera. Kahinumduman nga mipahuway si Richard og pipila ka tuig sa showbiz  human na-expire ang iyang kontrata sa GMA-7 niadtong 2013.

JM nag-sorry sa fans

Nangayo og pasaylo si JM de Guzman ngadto sa iyang fans gumikan kay duna gyu’y mga panahon nga dili gyud niya ma-kontrol ang iyang mga lihok.  Gikatahong aduna’y  grabeng depresyon si JM human sila nagkabuwag og balik ni Jessy Mendiola.

Tambag ni Liza

Gitataw ni Liza Soberano nga gamhanan kaayo ang social media apan kinahanglan pud nga dili kini abusohan sa mga tawo. Suma pa niya nga huna-hunaon gyud og maayo sa tawo sa dili pa kini mo-post og mensahe sa social media.

Nominado sa Asian TV Awards

Nominado si Michael V sa kategoriya nga Best Comedy Performer by an Actor sa  20th Asian TV Awards didto sa Singapore.  Samtang  nominado usab ang programa sa GMA-7 nga Celebrity Bluff  alang sa  Best Game in Quiz Program category  . Karong December 2 ug 3 ang awards night niini.

Nag-una sa iTunes

Nag-una sa iTunes sa miaging adlaw ang GMA Network Christmas Station ID Theme Song. Nahimutang lang sa ikatulong puwesto ang awit ni Alden nga Hello ug nakatungtong sa ikaupat ang awit ni Dawin nga Dessert.

Acosta pasok sa Angela Markado

Malakip ang hepe sa Public Attorneys Office (PAO) nga si Atty. Persida Acosta sa pelikula ni Andi Eigenmann  nga Angela Markado. Siya maoy modala isip abogada ni Andi sa nahisgutang pelikula.

Sugdan sunod buwan

Nagpanikad na sila si Enrique Gil ug Liza Soberano sa umaabot nila nga serye sa ABS-CBN. Sugdan na ang taping niini sunod buwan ug gipasalig sa duha nga hugyaw ang dagan sa istorya sa ilang serye.