Charo Santos tuloy ang trabaho kahit nagretiro na!, Megan at Alice parang magkapatid lang!

SEEN: Ang magkasabay na airing ng mga Christmas station ID ng ABS-CBN at GMA 7 noong Huwebes. Magmahalan Tayo Ngayong Pasko ang title ng Christmas station ID ng Kapuso Network at Thank You for the Love ang Christmas ID ng Kapamilya Network.

SCENE: Bidang-bida sina Maine Mendoza at Alden Richards sa Christmas station ID ng GMA 7. Si Alden ang kumanta ng Christmas station ID song.

SEEN: Parang magkapatid lamang sina Megan Young at Alice Dixson sa MariMar at sa transformation ni MariMar bilang Bela Aldama.

SCENE: Ang two-day concert ni Sharon Cuneta sa Cache Creek Casino Resort Brooks, California sa November 14, 8 p.m. at November 15, 4 p.m.

SEEN: Mananatili si Charo Santos-Concio bilang Chief Content Officer ng ABS-CBN, kahit nagretiro na siya bilang presidente ng Kapamilya Network noong October 2015.

SCENE: Ang ex-boyfriend ni Patricia Javier na si Marc Nelson ang leading man niya sa music video ng kanyang bagong single, ang Ngayon Pasko na kinunan sa Talisay, Batangas. Best of friends pa rin sina Patricia at Marc kahit hindi sila ang nagkatuluyan.

SEEN: Ang pagbabahagi ng ABS-CBN reporter na si Atom Araullo sa press statement ng Bagong Alyansang Makabayan (BAYAN) tungkol sa harassment ng mga hindi kilalang lalaki sa kanyang ina, si Dra. Carol Araullo, ang BAYAN chairperson. Pinaghihinalaan ng BAYAN na state agents ang mga lalaki na sinusundan ang activities ng ina ni Atom.

SCENE: Ang magkakapatid na Kris Aquino, Ballsy Cruz, Viel Dee, at Pinky Abellada ang mga host ng luncheon sa November 19 para sa mga asawa ng world leaders na dadalo sa APEC Summit.