Vice iniwan ang mga katrabaho sa ere!

Hindi makakatulong kay Vice Ganda na wala siya sa mga panahong lu­malaban ang programa niyang It’s Showtime sa Eat Bulaga.

But in fairness sa mga iniwan niyang mga kasamahan sa show, nakakaya nilang dalhin ang prog­rama kahit wala siya.

Kaya Vice, balik ka na, bago masanay ang mga kasamahan mo na wala ka sa show.

Maraming artista ng GMA tiyak mag-uunahan sa pagbuhay sa Encantadia

Kung talagang gagawan ang remake ng GMA 7 ang Encantadia, aba eh kailangan na nilang humanap na makakapalit nina Iza Calzado at Ka­rylle dahil nasa kabilang istasyon na ang mga ito.

Hindi naman ito magbibigay ng malaking problema sa network dahil ang dami-rami namang Kapuso actress na makukuha. Mag-uunahan pa silang magprisinta!

Miss International-PH, panalo pa rin

Imbes na matuwa tayo dahil hindi naman tayo binigo ng ating kandidata para sa Miss International, na pinanalunan dati nina Gemma Cruz Araneta, Melanie Marquez at Precious Lara Quigaman, ay kung anu-ano pang masasakit na salita ang sinasabi natin sa kanya.

Hindi madaling sumali sa isang international beauty pageant, kaya pasalamatan na lang natin siya for making it to the top 10 at napiling Best Dresser.