Christian nikulit og kasaysayan

CEBU, Philippines - Mi-perform dili pa lang dugay si Christian Bautista sa prestihiyosong open theater sa Houston, Texas   nga The Miller Outdoor Theater.

Kini maoy naghimo kaniya nga labing una nga Pinoy singer nga nakamugna og full show sa maong karaang venue nga pabiling ilado sulod na sa 85 ka tuig.

Ang  managing director sa  Miller Outdoor Theater  nga si Cissy Segall uban sa tabang sa iyang mga partner,  nangimbitar  og nagkadaiyang performers  aron mahimong kabahin sa selebrasyon sa  85th anniversary sa katukuran sa maong theater.

Ang Asia’s Balladeer nga si Christian Bautista maoy usa sa napilian alang sa pagdalit og mga  Original Pilipino Music (OPM) sa maong kalihukan.

Dili makalimot si   Christian sa iyang pagkanta  gumikan kay nakauban niya sa pag-perform  ang pipila ka  ilado nga American musicians sama nila ni  Tommy King sa  Maroon 5,  keyboard player nga si Renee Olstead,  ang bass player nga si  Jelando Johnson, Marion Medows ug  Kim Waters,  ang drummer ni Michael Buble nga si Robert Perkins, Jay Leno, Toni Braxton,  ang lead guitarist ni Katharene McPhee nga si Greg Petito, Chita Rivera , Andy Bell,  ug ang Keyboard player ni Natalie Cole nga si Molly Ringwald.