Bianca gibanghag sa netizens!
CEBU, Philippines - Nagkagubot ang mga followers sa www.fashionpulis.com kagahapon gumikan sa gi-post niini nga picture ni Maja Salvador diin nikomentaryo si Bianca Gonzales nga angayan kini mamahimong Darna.
May mga nireact nga dili matud pa angayan si Maja gumikan kay mubo kini og paa. Apan may nitubag sab nga angayang hinumduman nga niadtong si Governor Vilma Santos ang nilupad isip Darna sa pelikula dili kini perpekto og lawas ug mubo sab.
May niingon sab nga tambok si Maja ug mas maayo nga sa lain na lamang nga artista kini ihatag. Apan may nidepensa sab nga haom si Maja isip Darna sanglit maayo kining mu-arte, bagsikon sab ug sexy pa.
May nidugang pa nga angayan nga si Maja ang Darna ug ang bata nga si Onyok nga kauban niya sa teleseryeng “Ang Probinsyano” ang himuon nga “Ding”.
May nilenggua nga kun si Maja ang Darna mu-flop matud pa kini, apan may nanalipod ug niingon nga imposibli kini sanglit gidumog ang mga shows sa aktres sa nagkadaiyang probinsya.
Apan may nangaway kang Bianca gumikan kay nagpataka lamang matud pa kini og yawit ug hayan epekto kini sa anesthesia sanglit bag-o pa siya nga nanganak.
- Latest
