Dahil parehong bukol-bukol ang katawan Lance Raymundo napagkamalang si Butch Francisco!, Matteo ayaw pahuli kay Sarah

SEEN: Ang kumpirmasyon ng GMA 7 tungkol sa remake ng Encantadia sa 2016. Malabo nang makumpleto ang original cast ng successful telefantasya ng GMA 7 dahil contract stars na sina Iza Calzado at Karylle ng ABS-CBN.

SCENE: Ang suggestion ng fans ni Alden Richards na isama ang aktor sa cast ng remake ng Encantadia dahil puwede siyang bigyan ng role na hindi kailangan ng love interest para hindi magselos ang fans nila ni Maine Mendoza.

SEEN: Kahapon ang unang araw ng shooting ni Kris Aquino para sa All You Need is Pag-Ibig, ang pelikula nila ni Derek Ramsay na official entry ng Star Cinema sa Metro Manila Film Festival (MMFF) 2015.

SCENE: Napagkakamalan na si Butch Francisco ang actor-singer na si Lance Raymundo dahil sa kanilang mga borta na katawan.

SEEN: Pampalubag-loob at pakunsuwelo de bobo ang tawag sa Best Dresser, ang special award na napanalunan ni Janicel Lubina sa Miss International 2015 noong Huwebes sa Tokyo, Japan.

SCENE: Uunahan ni Matteo Guidicelli ang From The Top concert ng kanyang girlfriend na si Sarah Geronimo. MG1 ang title ng concert ni Matteo sa Music Museum sa November 28.

SEEN: Because of You at hindi na Madrasta ang bagong title ng teleserye ng GMA 7 na pagsasamahan nina Gabby Concepcion, Carla Abellana, at Rafael Rosell.