James at Nadine, daig pa ang mag-on

Meron na  namang asong sisikat sa showbiz ngayon.

Ito ay si Clarky, ang teacup maltese na iniregalo ni James Reid kay Nadine Lustre noong nakaraang birthday nito. 

Nakakakilig ang dalawa dahil kahit friends lang sila, too close for comfort sila. Daig pa nila ang mag-on.

Mariel may pinagbubuhusan nang panahon

Very favorable ang reaksyon ni Robin Padilla sa pagbabalik sa TV ni Mariel Rodriguez. Bakit nga hindi, eh obvious naman na enjoy ito sa kanyang work, lalo’t ang binalikan niyang programa ay malapit sa kanyang puso at maging sa mga co-host nito.

Sa pinagdaanan ni Mariel, tama na may pagbuhusan siya ng panahon bukod sa pag-aalaga kay Binoe.

Pasko ng mga Revilla, malungkot

Ang lungkot naman na dahil sa pagkakapiit ni Sen. Bong Revilla ay ayaw nang maglagay ng pamilya nito ng Christmas decor sa kanilang bahay. Hihintayin na lamang muna daw nila na makalabas ng piitan ang ama ng tahanan nila bago sila magpagandang muli ng bahay. Tsk. Tsk. Tsk.

‘Suportahan natin si Rachelle Ann Go’

Mga kababayan, suportahan naman natin si Rachelle Ann Go para maging maganda ang laban niya at kung pwede ay manalo siya sa 2015 Broadway World UK/West End Awards.

Pwedeng iboto si Rachelle hanggang Nob. 15. Sa kasalukuyan ay nasa No. 2 position siya next to a Les Miserables co-star Carrie Hope Fletcher.