Nadine nauyonan ni Kris

CEBU, Philippines – Gipadayag ni Kris Aquino nga pribado ang panaghigalaay nila ni Nadine Lustre ug nakauyon siya sa batasan niini. “She’s honest, open, charming, and such a joy to know,” suma pa ni Kris.

Lig-on gihapon

Naglinya  dili pa lang dugay ang mga konsiyerto ni Martin Nieverra sa nagkalain-laing dapit  sa Amerika  ug puros kini nagmalampuson. Pag-abot niya dinhi sa Pilipinas karong November 13,  aduna pud siya’y laing concert . Pabiling gihuptan ni Martin ang titulo niya nga concert king.

Molugwa sa concert?

Ang Octo Arts Entertainment Inc  maoy gikatahong co-producer sa concert sa international singer nga si Bryan White sa Smart Araneta Coliseum karong  December 1. Si Bryan maoy nagkanta sa God Gave Me You nga kanunay nga gamiton sa Eat Bulaga kalyeserye. Ang Octo Arts maoy producer sa My Bebe Love kung diin nalakip sila si Alden Richards ug Maine Mendoza. Gipanglantawan nga molugwa ang AlDub sa maong concert alang sa promosyon sa ilang pelikula.

Nadayon na gyud

Gipadayag ni Ina Raymundo nga niadtong 2000 pa diay siya gitanyagan nga mahimong cover girl sa FHM apan nasakit lang gyud siya niadtong higayona hangtud nga nakalimtan na kini gumikan kay na-busy na usab siya sa iyang pamilya. Dako ang pasalamat ni Ina gumikan kay nadayon na gyud kini karong tuiga.

Suki sa EB

Tsika pa ni Regine Velasquez  nga suking viewer sa Eat Bulaga ang iyang inahan. Matud pa nga malingaw kini sa mga pasiaw nila ni Paolo Ballesteros , Jose Manalo ug Wally Bayola.

Gitigoman ni Mikael

Malipayon si Mikael Daez gumikan kay mahitabo na gyud karong buwana ang pagbakasyon niya sa New York uban sa iyang mga higala. Suma pa sa aktor nga unom ka tuig gyud niya nga gitigoman ang maong bakasyon.

Dennis magpalahi na pud

Gipangandoy ni Dennis Trillo nga makasuway  siya puhon og romantic-comedy series. Nasayran nga puros bug-at nga drama ang mga nangagi nga serye ni Dennis sa GMA-7.

Sam mosulod sa Doble Kara

Pasudlon si  Sam Milby sa  afternoon series  sa ABS-CBN nga “Doble Kara” nga gibidahan ni Julia Montes.  Gianunsyo kini sa  Dreamscape nga maoy naghupot sa maong serye.

Nanglaag sa Dubai

Kasamtangang nanglaag sila si  Kakai Bautista ug  Ahron Villena sa Dubai. Dugay na nga   gidungog ang duha nga duna’y relasyon . Giklaro hinuon ni Ahron nga higala ra gyud sila ni Kakai.

Birthday gift

Usa ka iro ang birthday gift ni James Reid ngadto sa iyang ka-loveteam nga si Nadine Lustre.  Gikilig ang ilang fans sa dihang gi-post ni James sa Instagram ang  hulagway sa iro nga gihatag  niya kang Nadine.