Kris durog na durog sa pagtatanggol kay P-Noy; Puro lang talak... Mayor Duterte hindi na sineseryoso
SEEN: Ang pangaral ni Lola Nidora sa mga hacker na irespeto ang kapwa. Alam ng alter ego ni Wally Bayola ang sinasabi niya dahil minsan nang naging biktima ng hacker ang komedyante nang kumalat noon ang kanyang sex video.
SCENE: Ang reaksyon ni Robin Padilla tungkol sa muling pagpasok noong Lunes sa PBB House ng kanyang misis na si Mariel Rodriguez: “Napakalayo na po talaga ng Pinoy Big Brother ang narating ni Mariel Termulo-Padilla ngunit kailanman kahit kapitbahay lang siya, ang puso ng asawa ko ay nasa bahay ni kuya, katawan lang ni Mariel ang pag-aari ko. Maraming salamat ABS-CBN sa pagbukas ng inyong bintana sa isa sa inyong naging prinsesa. Mabuhay kapamilya Direk Lauren (Dyogi).”
SEEN: Binigyang katuparan ng bashers ang Instagram post ni Kris Aquino na “I love my brother. I support my brother. I trust my brother. I believe in my brother. And by tomorrow you can start looking for a new issue to bully me about” dahil below-the belt ang mga banat sa kanya.
SCENE: Durog na durog ngayon si Kris Aquino dahil sa kaliwa’t kanan na batikos sa kanya at kay P-Noy na bunga ng tanim-bala sa Ninoy Aquino International Airport.
SEEN: Hindi na sineseryoso ang mga pahayag ni Davao City Mayor Rodrigo Duterte na kung siya ang presidente, ganito o ganoon ang kanyang gagawin sa mga tao na mapapatunayan na utak ng tanim bala sa NAIA dahil binigyan siya ng pagkakataon na kumandidato bilang pangulo ng Pilipinas sa 2016 ngunit hindi niya pinagbigyan ang kahilingan ng publiko.
SCENE: Ngayon ang actual 18th birthday ni Bea Binene at kagabi ginanap ang kanyang debut party sa Manila Hotel.
SEEN: Ipinagdiwang kahapon ni Batangas Governor at Star of All Seasons Vilma Santos ang kanyang 62nd birthday.
SCENE: Kung kailan malapit nang matapos ang Beautiful Strangers ng GMA 7, saka naman gumaganda ang mga episode ng primetime teleserye nina Heart Evangelista at Lovi Poe.
- Latest
