Pahinga muna sa GF Gerald ikinandado muna ang puso!
Kamakailan ay nabanggit ni Maja Salvador sa isang pahayag na nakahanda na siyang makausap at maging kaibigan muli ang dating kasintahan na si Gerald Anderson.
Nagbigay naman ng reaksyon si Gerald sa aming programang Tonight with Boy Abunda tungkol sa sinabi ng aktres. “Oo naman, Tito Boy. Yes, lalo na ‘pag nagkikita po kami. Hindi po biro ‘yung pinagdaanan namin and we’ve fought so many wars together. Kung mayroon pong opportunity to say something, make things better, I would,” makahulugang pahayag ni Gerald.
Pinabulaanan din ng aktor ang napabalita noon na hindi boto diumano ang kanyang ina kay Maja. “Tito Boy, ‘yung mom ko is very Filipina. Kumbaga, conservative, ‘yung values niya iba, probinsyana pa. She found a way, siya po mismo ang nag-effort para maging close sila at magkaroon ng bond,” paglilinaw ni Gerald.
Ngayon ay wala pang bagong kasintahan ang aktor at hindi pa raw handang umibig muli. “Nakakandado pa (ang puso). Hindi ho Tito Boy, because I don’t want to be the same partner as I was before. I want to be a better partner, a better person. Siguro it’s just going to take time. I’m learning from all the failure, ‘yung mga mali na nagawa ko,” paliwanag ng binata.
Kahit taon silang hindi nagkita, Jolina si Juday pa rin ang best friend
Madalas na nagkakausap sina Jolina Magdangal at Judy Ann Santos tungkol sa pagiging ina sa kanya-kanyang mga anak.
Bukod sa pagiging magulang ay marami pang ibang bagay ang napag-uusapan ng magkaibigan sa tuwing nagkikita. Matalik na kaibigan daw talaga ang turingan ng dalawa kahit hindi masyadong nagkikita at nagkakasama. “Kasi ang best friend para sa akin, hindi kailangan lagi mong kasama eh. Ang best friend para sa akin ‘yung kahit hindi mo kasama pero anytime na kailangan mo ng kausap o magkita kayo, may reconnection na nangyayari,” paliwanag ni Jolina.
Samantala, nakatagpo rin daw ang aktres ng mga bagong kaibigan sa showbiz dahil sa Your Face Sounds Familiar season 1 kung saan ay isa sa mga contestants si Jolina. “Hindi ko akalain na magiging gano’n kami ka-close hanggang ngayon. May Boracay pa kami (ngayong November),” pagbabahagi ng aktres.
- Latest
