International news na kasi Manny pinagbibintangang ginagamit ang laglag-bala para sa eleksyon

SEEN: Ang impersonation ng comedian na si Eric Nicolas kay Claire dela Fuente sa Your Face Sounds Familiar noong Sabado. Pinag­halong Sharon Cuneta at ABS-CBN executive Cory Vidanes ang naging hitsura ni Eric sa makeup transformation sa kanya.

SCENE: Mas kamukha ni Michael Pangili­nan ang stand up comedian na si Jon Santos kesa kay Hajji Alejandro sa makeup transformation niya sa Your Face Sounds Familiar noong Sabado.

SEEN: Nagbalik si Mariel Padilla sa Pinoy Big Brother House bago ganapin ang big night ng PBB 737 sa November 7 at 8 sa Albay Astrodome, Legaspi, Albay.

SCENE: Pinatulan na ng international news ang laglag-bala scam sa worst airport in the world, ang Ninoy Aquino International Airport. Hindi na nag-iisa si Lea Salonga sa panawagan nito sa mga biyahero na mag-ingat sa pagbisita sa Pilipinas.

SEEN: Pinupuri ang alok na tulong ni Manny Pacquiao para sa mga biktima ng laglag-bala scam sa NAIA. At the same time, pinagbibintangan siya ng kanyang detractors na ginagamit ang isyu para sa senatorial bid niya sa 2016.

SCENE: Natapos noong Sabado ang shooting ng Haunted Mansion, ang official entry ng Regal Entertainment, Inc. sa 2015 Metro Manila Film Festival (MMFF).

SEEN: Payat na Janice de Belen ang mapapanood sa Haunted Mansion na mula sa direksyon ni Jun Lana.

SCENE: Ang pasasalamat ni Mike Tan sa direktor na si Joey Reyes at sa mga producer ng Regal Entertainment, Inc. dahil isinama siya sa cast ng No Boyfriend Since Birth.