Push Digital Awards masusubukan na kung hindi bias, AlDub kalaban ang tatlong pinakasikat na loveteams ng ABS-CBN

PIK: Bentang-benta ngayong Undas ang Dangwa kaya nagkaroon ng bonggang promo ang bagong drama series ng GMA 7 na Dangwa na pinagbibidahan ni Janine Gutierrez.

Sa pagsisimula pa lang ng Dangwa nung nakaraang Lunes, consistent itong nagri-rate at maganda ang feedback. Kaya tuwang-tuwa si Janine dahil tinangkilik ito ng mga tao kahit wala ang ka-loveteam niyang si Elmo Magalona.

Maituturing na lucky charm ni Janine ang dalawang leading men niyang sina Mark Herras at Aljur Abrenica.

Samantala, ang daming pumuri sa bagong MEGA magazine kung saan si Janine ang nasa cover kasama ang model na si Kelsey Merrit.

PAK: Wala pang kumpirmasyon mula kay Dingdong Dantes na siya muna ang pansamantalang papalit kay Marian Rivera sa Sunday PinaSaya.

Ngayon na ang huling Linggo ni Marian sa Sunday PinaSaya dahil kailangan na niyang paghandaan ang nalalapit niyang panganganak.

Okay lang naman daw kay Dingdong na pumalit muna kay Marian habang nasa maternity leave ito. Pero ayon sa GMA Primetime King, wala pa naman daw nagsasabi sa kanya tungkol dito.

Kahit si Dingdong ay pinaghahandaan na rin ang nalalapit na panganganak ni Marian. Excited na siya sa pagdating ng kanilang baby Maria Letizia.

BOOM: Sa November 10 na pala ang awarding ng Push Digital Awards na pag-aari ng ABS-CBN 2.

Dito mapapatunayan ang credibility ng Push na ngayon pa lang mamimigay ng awards base sa social media.

Sa kategoryang PushTweet Favorite Group or Tandem, kabilang ang AlDub nina Alden Richards at Maine “Yaya Dub” Mendoza sa mga nominado kalaban ang JaDine nina James Reid at Nadine Lustre, KathNiel nina Kathryn Bernardo at Daniel Padilla, LizQuen nina Liza Soberano at Enrique Gil, at LoiShua nina Loisa Andalio at Joshua Garcia.

Sa naitalang 40 million tweets ng AlDub nung nakaraang Tamang Panahon grand fans day nila sa Eat Bulaga, matatalo pa kaya ito ng mga nakalabang loveteams?

Inaabangan kung dadalo rito sina Alden at Maine.

Bukod sa naturang kategorya, nominado rin si Maine sa kategoryang PushLike Most Liked Newcomer kung saan makakalaban niya ang baguhang komedyante mula sa It’s Showtime na si Ryan Rems.