Mugna sa Fan

CEBU, Philippines - Labihang lipaya niining avid fan ni Yaya Dub kay ang iyang gidesenyo nga sapot nauyon gyud sa iyang idolo ug gisul-ob pa gyud niini.

Una niini, ang maong fan nga si Phem Ambay Altarejos nanawagan niadtong October 23, pinaagi sa Facebook  nga ipa-share ang mao niyang disenyo aron makit-an ni Yaya Dub.

Dali kini nga gi-share sa mga sakop sa AlDub Nation ug nakit-an gyud ni Yaya Dub diin nipadayag siya nga nindot gyud ang maong dress.

Ug tuod man niabot gyud sa mga kamot ni Yaya Dub ang maong dress, hinungdan iyang nasul-ob ug nagpahulagway pa siya.

Teaser sa walang forever gipistahan

Pipila ka adlaw human gi-post ni Jennylyn Mercado sa iyang Facebok account ang teaser sa pelikulang “Walang Forever” , aduna na kini 33 million views, 55,000 likes ug 37,000 shares.

Kauban ni Jennlyn sa maong romantic comedy movie mao si Jericho Rosales ug ubay-ubay na ang naghinam-hinam niini human nakakita sa teaser.

Ang maong pelikula malakip sa Metro Manila Film Festival  karong December.

Gipanglantawan nga mo-click ang maong pelikula ilabi na nga  ang nagama niini mao usab ang nagpaluyo kaniadto sa pelikulang  “English Only, Please” ilakip na ang  director nga si  Dan Villegas ug ang  writer  nga si Antoinette Jadaone.

Kahinumduman nga nahimong best actor ug best actress ang mga bida sa “English Only, Please” sa miaging tuig nga sila si Jennylyn ug Derek Ramsay. (Sanden J. Anadia)

Deniece gipikhan ang It’s Showtime

Mihirit  ang modelo nga si Deniece Cornejo kalabot sa pag-angkon ni Vice Ganda sa kapildihan sa  programang It’s Showtime  sa kaatbang niini nga Eat Bulaga sa GMA-7.

Si Deniece maoy nipasangil kang Vhong Navarro og sexual harassment  niadtong 2014.

Mi-post  ang maong modelo sa Facebook  og link sa artikulo  kalabot sa kapildihan sa It’s Showtime  ug mibutang siya og caption niini nga,  “I hope this will serve as a lesson. Don’t do unto others what you don’t want others to do unto you.”

Dali nga naka-react ang fans ni Vice ug Vhong ug nipadayag nga wala’y angay si Deniece nga mukomento kalabot sa maong report.