Shaina mo-eskwela og balik

CEBU, Philippines - Kung maabot ang panahon nga dili na busy si Shaina Magdayao, target niini nga mo-eskwela sa kolehiyo. Gusto sa aktres nga mokuha og kursong Psychology.  Alang kang Shaina, importante kaayo sa usa ka tawo ang edukasyon.

Wala kalimti sa fans

Gilinyahan sa bagang duot sa katawhan ang sam-ang ni Fernando Poe Jr. sa Manila North Cemetery sukad pa sa miaging adlaw. Wala gihapon makalimot kang FPJ ang iyang fans.

Dagway gipangandaman

Kanunay nga motikang si Regine Velasquez  sa clinic ni Dra. Vicki Belo  ug usa kini sa iyang pagpangandam alang sa umaabot niya nga concert karong November 7. Suma pa ni Regine nga gawas sa iyang tingog, importante pud ang pagpangandam sa iyang hitsura.

Platinum record

Nakaangkon na og Platinum record ang Wish I May album ni Alden Richards sa GMA Records, usa ka semana human kini gi-release.  Mainitong gihangop sa fans ni Alden ang iyang bag-ong album.

Wala’y kontra

Wala’y kaatbang si Kongresista Alfred Vargas sa District 5 sa Quezon City. Mao usab kini ang sitwasyon ni Jolo Revilla kinsa subling magpapili pagka-vice governor sa Cavite karong 2016.

Sekreto para bibo

Giangkon ni Sam Milby nga duna siya’y ka-date nga non-showbiz girl apan nagdumili siya pagbutyag sa identity niini. Gusto sa aktor nga himuong pribado ang pagdiskarte niya sa maong babaye.

Louise hadlok sa AlDub fans

Gimingaw na si Louise delos Reyes sa iyang kanhi ka-loveteam nga si Alden Richards. Dili pa andam si Louise nga makauban niya og balik si Alden sa trabaho gumikan mahadlok siya sa posibilidad nga atakehon sa AlDub fans.

Lahi ang baruganan

Girespeto ni Sen. Chiz Escudero ang deklarasyon sa inahan ni Heart Evangelista nga si Cecile Ongpauco nga adto kini mosuporta kang Sen. Miriam Defensor Santiago alang sa pagka-presidente. Midagan si Sen. Chiz pagka-vice president ug si Sen. Grace Poe maoy iyang  presidente .

Nangandam sa pagpangatake

Andam na ang anak ni Sen. Lito Lapid nga si Isabelle Ortiga sa mga bash nga iyang madawat gikan sa fans nila ni Nadine Lustre ug James Reid.  Si Isabelle maoy bag-ong mosulod sa seryeng On The Wings of Love ug mahimo kining ka-love triangle sa Jadine.

Temporaryong mawala

Temporaryong mopahuway si Marian Rivera sa Sunday PinaSaya sugod ugma aron mapangandaman ang iyang pagpanganak sa ikatulong semana sa Nobiyembre. Naghinam-hinam na ang aktres alang sa labing una nga anak ni Dingdong Dantes nga nganlan nila og Letizia.