Palaban?! Stylist ni Yaya Dub tinawag na evil ang mga basher

Masyado naman nilang ginawang cheap ang sikat na stylist na si Liz Uy dahil sa sinasabing pagpapasuot niya kay Yaya Dub ng mga nagamit na.

Hindi naman iri-risk ng popular na stylist ang kanyang matagumpay na karera dahil lamang sa pam­babatikos ng ilang fans.

May ilang nakabasa sa interview ni Liz sa isang broadsheet at sinabi nitong ayaw na niyang pumatol. Pero tinawag niyang evil ang mga basher.

Wala nga naman siyang mapapala rito.

Dating That’s Entertainment member humahawak na rin ng mga artista

Pinasok na rin ng CCA Entertainment Production, pag-aari ng concert producer at dating miyembro ng That’s Entertainment ni Kuya Germs na si Joed Serrano ang pagmamaneho ng karera ng mga artista. Kung dati ay pawang sa pagpo-produce lamang ng shows at concert nakatuon ang pansin ni Joed, ngayon ay gumawi na rin siya sa pag-disco­ver, pagma-manage, at pagpu-promote ng mga artist. Tulad nang gawain ng mentor niya sa That’s... andun si Joed sa contract signing ni Garie Concepcion, anak ni Gabby Concepcion kay Grace Ibuna, para sa Warner Music Philippines.

Balak niyang bigyan ito ng malaking concert in the future, pero aalagaan niya muna ito para ma­ging isang malaking recording artist. Meanwhile, may offer siya to produce a concert para kay Alden Ri­chards at mga P10-M o mahigit pa ang offer niya ritong TF.

Jackie Forster dapat nang mag-move on kina Andre at Kobe

Nakakalungkot na tinanggap na rin marahil ni Jackie Forster na hindi na sila magkakasundo ng kanyang dalawang anak kay Benjie Paras na sina Andre at Kobe Paras. Pero hindi na niya siguro kinakailangan na magsabi pang she doesn’t need the guys in her life since anak niya ang mga ito.

Meron naman siyang dalawang anak pa na mapagbubuhusan niya ng panahon. Dapat maging masaya na lamang siya at makuntento na magaling na sa karamdaman ang anak niyang si Caleigh.