Alden at Maine ayaw sukuan ng concert producer
Mukhang hindi magiging flash in the pan ang kasikatan na tinatamasa ngayon ng AlDub nina Alden Richards at Maine Mendoza alyas Yaya Dub dahil pangmatagalan ang plano para sa kanila ng kanilang respective handlers. Si Alden sa bakuran ng GMA Artists Center at si Maine naman na nasa pangangalaga ng TAPE, Inc. at APT Entertainment na parehong pinamumunuan ng big boss na si Tony Tuviera.
Puwedeng taguriang Social Media Loveteam or Phenomenal Loveteam ang tambalan nina Alden at Maine at wala sigurong kokontra.
Sa recent record contract signing ng bagong talent ni Jo-Ed Serrano na si Gabrielle C (Concepcion) under Warner Music, inamin ng dating miyembro ng That’s Entertainment-turned businessman and concert producer na gusto niyang kunin ang serbisyo ng AlDub for a major concert at 8-digit umano ang kanyang alok.
Samantala, ngayon lamang nakaranas ang respective management companies nina Alden at Maine ng ganito kahirap mag-traffic ng schedule at ng sunud-sunod at pilang offers for product endorsements at iba pang proyekto na pagsasamahan ng dalawa.
Luis tutulungan ni Angel sa kampanya
Hindi man natuloy si Luis Manzano sa kanyang planong pagpasok sa pulitika, magiging abala rin siya sa darating na kampanya dahil tiyak na susuportahan umano niya ang kanyang inang si Batangas Gov. Vilma Santos na kakandidato bilang kinatawan ng Lipa City habang ang kanyang amang si Edu Manzano ay tatakbo naman sa pagka-senador ganundin ang kanyang relectionistang stepdad na si Sen. Ralph Recto.
Gaano man ka-busy si Luis sa kanyang TV hosting job ay maglalaan umano siya ng oras para sa kanyang estranged parents at maging ang kanyang step-dad na si Sen. Ralph. Ang maganda pa, tiyak na tutulong din sa kanya ang kasintahang si Angel Locsin na nag-back-out na sa Darna movie.
Lovi at Heart magta-tandem sa pag-iikot sa ‘Pinas
Masaya si Lovi Poe na magkakasama sila ng kanyang best friend na si Heart Evangelista sa kampanya para suportahan ang tandem nina Sen. Grace Poe at Sen. Chiz Escudero.
Kahit hindi umano humingi ng tulong ang kanyang Ate Grace (Poe) kay Lovi ay siya mismo ang magbu-volunteer dahil naniniwala siya sa kakayahan ng kanyang nakatatandang kapatid.
Sa isang rare na okasyon, nagkasama sina Lovi, Sen. Grace at ina nitong si Susan Roces sa deklarasyon ni Sen. Chiz na siya’y tatakbo sa pagka-vice president.
- Latest
