Yam mupahuway sa pagpa-sexy

CEBU, Philippines – Wala na'y plano si Yam Concepcion nga magpa-sexy sa umaabot nia nga mga proyekto . Target ni Yam ang wholesome project gumikan kay pangandoy niya nga mahimong news anchor puhon. Kahinumduman nga nakalugwa na kaniadto si Yam sa TV Patrol sa dihang ni-absent si Gretchen Fullido sa Star Patrol segment.

Fans sa AlDub

Nitikang ang tibouk pamilya ni Joey de Leon sa Philippine Arena niadtong Sabado gumikan kay giidolo gyud nila ang kalserye sa Eat Bulaga. Nalipay ang pamilya sa TV host human nila nakit-an sa personal si Maine Mendoza.

Malangan pa

Malangan pa ang paggama sa pelikula ni Alonzo Muhlach nga Kuwatog gumikan kay puno pa ang schedule sa batang aktor. Nagbaha karon ang mga endorsement ni Alonzo .

Deretsohay ang trabaho

Wala'y pahuway ang lawas ni Alden Richards niadtong Sabado gumikan kay human sa Tamang Panahon concert sa Philippine Arena, nideretso dayon kini sa Marikina alang sa usa ribbon cutting sa tindahan nga gisundan dayon sa iyang mall show sa Alabang. Bisan pa man niini, wala gyu'y reklamo si Richard.

Barbie  magnegosyo

Plano ni Barbie Forteza nga magtukod puhon og negosyo ug nagsugod na siya og tigom alang sa puhonan niini. Usa sa iyang giplano mao ang pagdumala og restaurant.

Tungod sa birthday

Gisaulog ni Pia Guanio ang iyang 42nd birthday niadtong Sabado ug mao kini ang rason nga wala siya motikang sa Eat Bulaga sa Philippine Arena. Aduna'y family gathering si Pia ug dugay na kini nakaplano.

.Milutaw ang ka-sexy

Si Meg Imperial maoy bag-ong White Castle Girl ug gisugdan na ang photoshoot niini sa miaging adlaw. Giingong nilutaw og samot ang sexy nga lawas sa aktres.

Arjo inilog

Tungod sa ka-busy ni Arjo Atayde sa taping sa seryeng Ang Probinsyano nga gibidahan ni Coco Martin, wala niya madawat ang ubang proyekto nga gitanyag kaniya. Si Arjo diay unta ang first choice sa role nga gidala karon ni Albie Casiño sa On The Wings Of Love apan wala motakdo ang iyang schedule.

Kever sa retoke

Pilion ni Kim Chiu ang mag-ehersisyo, mag-diet ug motumar og food supplement alang sa pagpamintinar sa ka-sexy sa iyang lawas ug wala gyud siya'y plano nga magpa-retoke. Kontento na ang aktres sa kasamtangang pamorma sa iyang lawas.

Ihatag sa Pag-asa

Nakahukom sila si Anne Curtis, Kim "Kuya Kim" Atienza, ug Eric "Eruption" Tai nga idonar sa Philippine Atmospheric, Geophysical and Astronomical Services Administration (PAG-ASA) ang premyo nila nga P100,000 sa "Mapasikat Week" sa It's Showtime. Nahimutang sa ikatulong puwesto ang ilang grupo sa nahisgutang kompetisyon. Sila si Vice Ganda, Jugs Jugueta, ug Teddy Corpuz maoy nakaangkon sa unang ganti, samtang nahimutang sa ikadung puwesto sila si Karylle ug Jhong Hilario .  

World Cup nalabwan sa ALDub

Laing bag-ong record  sa Twitter ang naangkon sa AlDub hashtag human niabot sa dul-an sa 39.5 million tweets ang  #ALDubEBTamangPanahon.

Kahinumduman nga nagmalampuson ang grqand fans day nila ni Alden Richards ug Maine Mendoza niadtong Sabado sa Philippine Arena.

Gilupig sa AlDub ang  35.6 million tweets nga naangkon sa  #World Cup match tali sa  Brazil ug Germany (#BRAvsGER) niadtong 2014.

Usa kini sa nagpamatuod nga ang  AlDub matawag nga  "global phenomenon," nga una na nga gibutyag kaniadto sa   Twitter Asia Pacific and Middle East vice president nga si Rishi Jaitly.

Pinaagi sa  Twitter , nagpasalamat sila si  Maine ug  Alden ngadto sa  AlDub Nation gumikan sa minilyon nga tweets sa Tamang Panahon concert.

“Grabe kayo.. Happy 39M tweets, AlDub Nation! Wala talagang imposible sa inyo!,” tweet pa ni Maine.

Alden gisurpresa ni Maine

Nakugang si Alden Richards sa dihang nadunggan niya ang iyang  ka-loveteam nga si Maine Mendoza sa "DJ Bae" segment niya sa  Sunday Pinasaya kagahapon.

Unang mitawag  ang caller nga duna’y pangalan nga "Honey" ug nisaysay kini sa iyang  problema, apan kalit nga  naputol ang linya.

Misunod dayon ang caller nga si Maine,  ug gituyo kini sa mga staff sa maong programa aron surpresahon si Alden. Ang kauban ni Alden (DJ Bae)  sa maong segment  nga si Jerald Napoles o  DJ Peter maoy una nga mihinabi sa maong caller  ug   nagsyinagitay na ang audience sa tingog niini.  Nilenggua ang maong babaye nga taga Bulacan siya ug didto matud pa siya sa Philippine Arena niadtong Sabado.

Dinhing dapit mitingog  na si Alden ug matud pa niya, “"Teka, teka... ano 'to?!"

Apan nipadayaon  og pangutana si  DJ Peter ngadto sa  caller: "Kinilig ka ba kay Papa Alden?" Tubag sa  caller: "Oo... kasi nung niyakap niya ako." Nakabantay na si  Alden , busa  gipangutana niya ang caller : "Maine, ikaw ba 'yan?" Sa pag-angkon sa caller  nga siya si Maine,  dali nga nakaingon si Alden og "Hindi ako na-orient!" . Gipadayag usab niya  nga gaan kaayo ang iyang feeling sa  dihang nagkakita sila niadtong Sabado.

Tataw nga gikilig si Alden sa pagtawag ni Maine  ug mao kini ang tipik sa ilang conversation:

DJ Bae:  "Hi Maine!"

Maine:  "Hi DJ Bae."

DJ Bae:  "Hello."

Maine:  "Can I make a request?"

DJ Bae:  "Anong request?"

Maine:  "May gusto kasi akong ipasabi kay Alden, e."

DJ Bae:  "Sige, sige... I'll be your messenger."

Maine: " Okay lang?

DJ Peter:  "Bakit nabubulol ka?

DJ Bae:  "Hindi ako nabubulol." (dungan og hapak kang  DJ Peter)

Maine:  "Gusto ko lang sanang magpasalamat sa ibinigay niyang sapatos.Pakisabi na lang, ha?"

DJ Bae:  "Sige, sige... makakarating, makakarating."