Kris wala na talagang balak gawin ang MMFF movie?!

Sa pag-alis ni Kris Aquino para sa isang bakasyon/pahinga with her two sons dahil na-altapresyon na naman ito, muling nabinbin ang shooting ng MMFF (Metro Manila Film Festival) movie niya. Itutuloy pa ba niya ito? Gahol na gahol na sila sa panahon at para mapaganda ito.

Baka naman dahil sa pagtaas at pagbaba ng kanyang blood pressure na marahil ay dulot na rin ng stress ay hindi na niya magawa ang movie.

Kahit ‘di kasama si Sarah sa album Matteo naka-jackpot kay Regine

Swerte naman ni Matteo Guidicelli dahil kahit hindi niya makakasama si Sarah Geronimo sa kanyang debut album ay pumayag naman ang Songbird na si Regine Velasquez na mag-guest sa kanyang album. Makikipag-duet pa ito sa kanya.

Alden naging iyakin na

Ang galing nang umiyak ni Alden Richards. Konting kibot lang ay tumutulo na ang kanyang luha. Pwede na siyang matawag na pinakaiyaking Bae sa ka-showbizan.

Hindi ko naman siya masisi dahil talaga namang nakakaiyak ang tagumpay niya. Sa tagal niyang nag-aartista, I’m sure hindi niya inaasahan ang biglang pagdating ng swerte niya ngayon. Kung sa akin nga nangyari ‘yun, naglulupasay na ako. Buti siya umiiyak lang.