John Estrada sa child abuse case ni Willie: Hindi naabuso ang bata
MANILA, Philippines – “I think the kid wasn’t abused.”
Ito lamang ang naging sagot ni Kapamilya actor John Estrada nang hingin ang kaniyang opinyon sa kinakaharap na kaso ng kaniyang kaibigang si Willie Revillame.
Sa kaniyang panayam sa “Tonight with Boy Abunda” kagabi ay naging matipid ang pagsagot ni John at hindi na ipinaliwanag pa kung bakit ganyan ang kaniyang palagay.
Nitong Linggo ay kinatigan ng Court of Appeals ang desisyon ng Quezon City regional Trial Court na panagutin sa kasong child abuse si Willie.
Nagpahayag naman ng suporta si John sa kaibigang TV host na ng GMA-7.
“Mahal ko si Willie, kaya mo ‘yan,” mensahe ng batikang aktor.
Magkakasamang naging host sina John at Willie ng noontime show na “Magandang Tanghali Bayan” ng ABS-CBN na umere noong Nobyembre 30, 1998 hanggang February 4, 2005.
- Latest
