P2M nga singsing gihimakak

CEBU, Philippines – Giklaro ni Kaye Abad nga wala pa sila’y plano sa iyang boyfriend nga si  Paul Jake Castillo nga magpakasal.

Sa interview niya sa dzMM  , hinay-hinay ra sila sa paghisgot sa maong butanga apan wala gyud sila’y lapad nga plano niini.

"Wala pang plano. Kapag okay naman lahat sasabihin namin. Pero wala pang plano, wala pa ngang singsing. Very traditional ako -- kailangang may engagement bago ikasal,” matud pa ni Kaye.

Todo himakak ang aktres sa report nga matud pa nakapalit na si Paul og engagement ring nga nagkantidad og P2 million.

"Diyos ko, hindi ko nga alam alam 'yan. Huwag naman P2 milion,” dugang pa niya.

Elmo mobalhin sa Dos?

Gidungong nga mobiya matud pa si  Elmo Magalona sa GMA 7 ug mobalhin kini sa ABS-CBN.

Matud pa nga naghuwat na lang ang aktor nga ma-expire ang iyang kontrata sa Kapuso network.

Nitumaw ang tsika nga gilaayan matud pa si Elmo sa GMA-7 gumikan kay gilangaw na ang iyang career.

Apan ang obserbasyon sa mga  kritiko sa aktor nagkanayon nga  nagkaanam na og kahupas ang iyang popularidad  hinungdan nga wala na kini hatagi og pagtagad sa iyang mother network.