OTWOL sunod tuig pa mahuman

CEBU, Philippines – Nagmaya og maayo ang fans nila ni Nadine Lustre ug James Reid gumikan kay extended hangtud sa February 2016 ang seryeng On The Wings of Love sa ABS-CBN.

Mapasalamaton si Nadine sa padayon nga pagsuporta sa Jadine fans sa ilang serye .

Nasayran nga kanunay usab nga  gipistahan ang ilang mga kissing scene sa   On The Wings of Love ug usa na kini sa kanunay atngan sa ilang fans.

Gibutyag nga usa sa nakanindot sa tandem nila ni James mao nga  wala’y pressure ug dili na  kinahanglan nga magkadayon silang duha sanglit  init man ang pagdawat sa  publiko sa ilang chemistry.

Maine: I’m proud of myself

Gipadayag ni Maine Mendoza nga dako na gyud og kabag-ohan ang nahitabo sa iyang kaugalingon sukad siya nisikat gumikan sa Eat Bulaga.

Nakaingon gyud siya nga proud gyud siya sa iyang kaugalingon gumikan kay dili na siya mauwawon ug kuwang og pagsalig sa iyang kaugalingon.

Usa ka taas nga mensahe ang gi-post ni Maine alang sa iyang supporters pagkahuman niya og perform sa Bulaga Pa More, Dabarkads Pa More" grand finals sa Eat Bulaga niadtong Sabado.

Atol sa iyang performance, nisayaw ug ni-play og drums si Maine nga nakapahugyaw og maayo sa audience.

Gikatigi niya sa maong kompetisyon sila si Ruby Rodriguez, Ryzza Mae Dizon, Patricia Tumulak, ug Paolo Ballesteros kinsa nahimong grand winner.

Nagkanayon si Maine nga ang pagkalakip niya sa EB maoy nahimong tulay aron madiskubrihan pa niya ang mga butang nga mahimo niyang buhaton.

Misikat og samot ang dalaga gumikan sa iyang karakter isip Yaya Dub sa kalyeserye nila ni Alden Richards ug nagbaha na ang ilang product endorsements.

Nagkanayon si Maine nga wala siya’y salig sauna sa iyang kaugalingon ug maulaw gyud siya og daghang tawo.

"I used to be a girl with a poor self esteem—I actually think I still am.I never believed in my capability of doing things; it could be just me being a pessimist about almost everything but the thing is, I never really believed in myself,” tipik sa Instagram post ni Maine.

Matud pa niya nga nagdako siya nga naa sa iyang hunahuna nga dili siya kahibalo sa mga bug-at nga butang apan karon, iyaha na kining nabuhat.

Migawas na matud pa siya sa iyang” comfort zone” gumikan sa Eat Bulaga busa nakaingon na gyud siya sa  iyang kaugalingon nga ,"I am proud of myself."

Wala niya damha nga mabuhat ang lisod nga mga butang busa iyaha na gyud kini nga padayunon.

"I have waited so long for the moment where I'd be able to say 'I am proud of myself. Kung wala pa man akong napapatunayan sa inyo, sa 'kin marami-rami na.. at yun lang, sapat na.Sapat na din para masabi kong proud ako sa sarili ko. Way to go, Meng!,” dugang pa niya

Nangharos ang Kalyeserye!

Nakadawat og lima ka mga pasidungog ang Kalyeserye sa  Eat Bulaga atol sa 4th Catholic Social Media Summit nga gipahigayon sa  Sta. Rosa, Laguna niadtong Domingo sa gabii.

Ang maong Kalyeserye gibituonan sa phenomenal Aldub loveteam nga sila si Alden Richards ug Maine Mendoza o Yaya Dub.

Si Maine o Yaya Dub nakadawat og Catholic Social Media Achievement Award  gumikan sa iyang impluwensya  sa pagpakatap sa  Christian values ngadto sa mga kabatan-onan.

Nakadawat usab og achievement award si  Alden   gumikan sa iyang  pagka-role model sa mga batan-on.

Si Wally Bayola  o  Lola Nidora gihatagan og  Catholic Social Media Award gumikan kay siya ang instrumento  sa pag-ugmad sa good values sa media.

Ang TAPE Inc., nga maoy  producer sa Eat Bulaga, gihatagan usab og  Achievement Award gumikan sa pag-produce og kalyeserye nga nag-promote og  “ Christian family values” ug  “virtues”.

Lakip ang  AlDubNation Team, ang grupo sa fans sa AlDub, nakaangkon  pud og  Achievement Award  gumikan sa pagpakatap online sa mga pagtulun-an nga gidalit sa kalyeserye pinaagi sa pag-post sa inspirational posts ug tweets.

Gawas nila ni Maine ug Wally, ni uban usab sa pagdawat og award ang pipila ka executives sa EB nga gipangulohan sa creative director nga si Jenny Ferre.

“Maraming salamat po. Aldub you all,” ang mubo nga mensahe ni Maine.

Samtang si  Wally  nagkanayon: "Ang Kalyeserye ay patuloy pong magbibigay-daan makapagbahagi ng tamang asal, kabutihang-asal, at pagmamahal sa kapwa at pagmamahal sa Diyos... Eto na ang tamang panahon."

Wala makatambong si  Alden gumikan kay tua kini sa Japan alang sa  10th anniversary sa  GMA Pinoy TV.

Una na nga gipadayag sa Catholic Bishops' Conference of the Philippines (CBCP) nga wala sila’y kalabotan  sa  Catholic Social Media Summit.