Felix Manalo nakalangkat og Guinness World Records

CEBU, Philippines - Nalangkat sa  Iglesia ni Cristo (INC) ang world records sa  worldwide premier sa  biopic  nga  “Felix Manalo” niadtong  Domingo sa gabii sa Philippine Arena.

Nalabwan sa INC ang kasamtangang naghupot sa Guinness world record ug nakuha nila ang duha ka mga titulo nga World Record for Largest Attendance For A Film Screening ug  Guinness World Record for Largest Attendance For A Film Premiere.

Nasayran nga duna gyu’y mga representante sa Guinness ang nanambong sa maong kalihukan ug nahugyaw kini sa kadaghang tawo. Ang nanambong mao sila si Guinness World Records UK adjudicators Marco Frigatti ug Victoria Tweedey.

Ang naghupot niini kaniadto mao ang Stars and Stripes Honor Flight (USA) alang sa ilang  world premier sa “Honor Flight” nga gipahigayon sa Miller Park Stadium, sa Milwaukee, Wisconsin, USA, niadtong August 11, 2012   nga dunay  28,442 ka mga tawo.

Ang premiere night sa Felix Manalo gitambongan og 43, 624 ka mga tawo busa naangkon gyud niini ang world record.

Ang maong pelikula gibidahan nila ni Dennis Trillo isip Felix Manalo ug Bela Padilla isip asawa ni Manalo  nga si Honorata de Guzman-Manalo.

Nakahilak ang mga miyembro ug opisyal sa Iglesia Ni Cristo sa dihang gideklarar ang naangkon nila nga record  .

Makita na sugod ugmang adlawa ang Felix Manalo sa dul-an sa  300  ka mga sinehan  nationwide.  

Mga beauty queen, modelo nag-workation sa Bohol

Susama sa daghang mga Pilipino, magdadayeg usab sa kaanyag ang mga kaliwat ni Dagohoy. Alang sa kasayoran sa tanan, ubay-ubay nang mga Bol-anon ang nahimong rayna sa mga national ug international beauty pageant. Sila si Miss World Philippines 2006 Ana Mariz Igpit, ug Miss Tourism Queen International 2004 Noela Mae Evangelista duha lamang kanila.

Niadtong milabay’ng Sabado ug Domingo, nagpanon sila si Miss Earth Air 2012 Stephany Stefanowitz, Miss Olive-C Campus Model Philippines 2013 Chelsea Starling, Miss Olive-C Campus Model Philippines 2015 Princess Jayme kauban ang Manila male models nga sila si Karl Aquino ug JP Burgdorf aron paghatag og dugang bulok alang sa ika-70 nga anibersaryo sa Bohol Quality Mall. Kini kabahinsa ilang tulumanon isip endorsers ug brand ambassadors. Gilibot nila ang tibuok mall aron sa pagpahigayon og autograph-signing session ug photo op alang sa ilang fans.Nahimo kining posible pinaagi sa partnership sa Psalmstre Enterprises ug BQ Mall.

“Paagi kini sa Psalmstre isip pagsuporta sa among loyal business partner nga BQ Mall alang sa ilang ika-70 anyos nga kasumaran. Amo usab kining pahalipay sa mga Bol-anon tungod sa ilang pagsalig saNew Placenta for men and women ug Olive-C.Daghang salamat sa mainiton nga pagdawat namo dinhi sa paraiso sa Bohol. It’s really a perfect workation – work and vacation at the same time,” matud pa ni Jim Acosta, ang chief executive officer saPsalmstre.

Alang sa mga Bol-anon, usa kini ka bililhong gasa nga duawon sa mga nasudnong beauty queen ug modelo, sanglit nakahatag kini nilag inspirasyon nga ipadayon ang pagbansay sa ilang mga talent ug pagkab-ot sa ilang mga damgo.