Mo-surrender unta

CEBU, Philippines – Giangkon ni Arci Munoz nga duna'y mga higayon nga ganahan na siya moundang sa showbiz gumikan sa kamingaw sa iyang career apan wala gyud siya nagpadala sa iyang gibati ug nagpaabot ra gyud sa panahon nga mosidlak ang iyang career. Nahitabo na kini karon human siya gihatagan og dakong break sa ABS-CBN pinaagi sa seryeng Pasion de Amor.

Uyon ang pamilya

Uyon matud pa ang pamilya  ni Maine Mendoza kung panguyaban kini ni  Alden Richards . Giingong buotan nga tawo si Alden busa   dili gyud sila mosupak kung magkauyab sila ni Maine.

Mahadlok sa kissing scene

Gipadayag ni Regine Velasquez nga dili pa siya intresado nga mobalik sa pelikula . Dili na komportable  si Regine sa kissing scene.  Suma pa sa singer-actress nga migradwar na siya sa maong klase nga eksena.

AlDub fans misuporta ni Bryan

Gamay na lang matud pa nahibilin nga mga ticket sa umaabot nga concert ni  Bryan White karong  December 1 sa  Smart Araneta Coliseum. Kasagaran matud pa sa namalit og ticket mao ang fans nila ni Alden Richards ug Maine Mendoza. Si Bryan maoy nagkanta sa God Gave Me You nga kasagaran gamiton sa AlDub kalyeserye sa Eat Bulaga.

Mark nasagmuyo

Nasagmuyo si Mark Neumann sa nahitabong  retrenchment sa TV5 dili pa lang dugay kung diin kasagaran sa  nawad-an og trabaho mao ang  mga  tawo sa entertainment department.  Gimingaw na siya sa mga tawo sa  production nga nakatrabaho niya kaniadto.

Sunod tuig pa

Karong 2016 pa ang pag-ere sa serye nila ni Toni Gonzaga, Piolo Pascual, Sam Milby, ug Jolina Magdangal nga Written in Our Stars  ug ang upcoming series nila ni Xian Lim ug Kim Chiu nga  The Story of Us .

Makauban ang superstar

Nagmaya og maayo si Barbie Forteza gumikan kay nalakip siya  pelikula ni  Nora Aunor nga  Tuos.  Wala gipa-audition si Barbie sa maong proyekto gumikan kay nataypan naman daan sa producer ang estilo niya sa pag-arte.

Angel matinabangon

Milutaw gyud ang pagka-matinabangon ni Angel Locsin human siya  mitabang sa mga kabanay sa namatay nga   entertainment columnist didto sa kaulohan.  Giingong mibayad ang aktres og dul-an nga  P200,000 nga  balanse sa punerarya.

Motikang sa barangay

Mosuway na matud pa  og tikang sa mga barangay ang pipila ka hosts sa It's Showtime sa ABS-CBN. Usa kini sa pamaagi aron maduol sila sa masa sama sa kaatbang nila nga Eat Bulaga sa GMA-7.

Misaka ang sales

Gidoble  og kalima ang pagsaka sa sales sa produkto sa fast food chain nga giindorsar nila ni Alden Richards ug Maine Mendoza.  Dako matud pa og natabang ang  AlDub sa maong fast food chain.