Final 14 hindi lang pagpasok sa showbiz ang rason ng pagsali sa SS6

MANILA, Philippines – Napili na ang mga bumubuo ng Starstruck 6 Final 14 ng Council of Judges na sina Joey de Leon, Regine Velasquez-Alcasid, Jennylyn Mercado, at Dingdong Dantes kaya naman mas maraming hamon ang dapat abangan ngayon ng 14 hopefuls at pati na ng mga manonood.

Isa sa mga nakalusot sa Final 14 ay si Analyn Barro, 18 years old from Bacolod, “I knew that I should try out for Starstruck since it was my dream to be seen on television and maybe this could be the start of something new for me. I told myself ‘Waay man my madulasakonkung my try ko’ which means ‘walang mawawala sa akin kung susubukan ko.’ Being in Starstruck will definitely serve as a helping hand and a stepping stone for me in whatever career that God may give me in the future.”

Sabi naman ng 17-year old from Olongapo na si Liezel Lopez, “Nang malaman kong may auditions sa Starstruck, nagtatatalon ako dahil sabi ko baka ito na ‘yung pagkakataon ko. Maraming mga pagsubok sa buhay pero hindi ako malungkot sa mga pinagdaanan ko kasi alam kong may mas nahihirapan pa sa buhay kaysa sa amin. Alam kong dapat maging matapang ako para sa mga mahal ko sa buhay.”

Ayon naman kay James Teng ng Bulacan, “Gusto kong makapasok sa Starstruck dahil alam ko na dito ko mauumpisahan ang pangarap ko na mabuo ang aking pamilya. Nais kong makasama ko man lang sa iisang bahay ang mama at papa ko, mga kapatid ko, at ang pamilyang nagpalaki sa ‘kin.”

Ang 19 years old na taga-Laguna naman na si Jay Arcilla ay may paalalang, “Kayang abutin ang pangarap basta laging maging masipag at determinado at huwag na huwag kalimutan na si God lang ang may alam kung ano ang dapat para sa akin kaya magtiwala lang sa kanya.”

Kasama rin sa Final 14 sina Migo Adecer, 15, from Mandaluyong City; Klea Pineda, 16, from Caloocan City; Ayra Mariano, 17, from Bulacan, Avery Paraiso, 20, from Antipolo City; Kevin Sagra from South Cotabato; Princess Guevarra, 16, from Cavite; Arra San Agustin, 20 from Cavite; Joemarie Nielsen, 20 from Tarlac; Elyson de Dios, 16 from Cebu; at Koreen Medina, 20 from Laguna.

Mapapanood ang Starstruck 6 bago ang 24-Oras sa GMA 7 kung saan host sina Dingdong at Megan Young.