Oyo Boy Sotto at mga anak muntik sagasaan ng congressman ng Bulacan
PIK: Panay ang post ni Kuya Ricky Lo sa kanyang Instagram account ng kakaibang interview niya kay Maine Mendoza aka Yaya Dub.
Mapapanood ang interbyung ito sa CelebriTV sa darating na Sabado kung saan sinadya ni Kuya Ricky si Maine sa set ng Kalyeserye sa mansion nina Lola Nidora.
Excited daw si Yaya Dub sa interbyung iyon dahil ang buong akala niya ay magsasalita na siya. Pero fan sign pa rin pala dahil pinagbabawalan pa rin itong magsalita. Nakakaaliw pa rin daw ang interview dahil diretso ang mga tanong ni Kuya Ricky na diretso ring sinagot ni Yaya Dub na isinulat sa fan sign.
Abangan sa Sabado ng hapon ang exclusive interview na ito ni Kuya Ricky para sa CelebriTV.
PAK: Walang pinapalagpas si Tito Joey de Leon, sinagot niya ang post ni Lea Salonga tungkol sa kababawan na binanggit nito, na itinanggi naman ng international performer na ang AlDub ang tinutukoy nito.
Sa post naman ni Vice Ganda tungkol sa Real at Organic tweets na nakuha raw ng It’s Showtime, kaagad namang binuweltahan ni Tito Joey sa kanyang Twitter account. Aniya, “Isang malaking EXCUSE ME lang, HINDI real and organic ang isang bagay na KINOPYA lang, Iba ‘yung developing naturally. #ALDUBThisMustBeLove.”
Totoo bang may kissing scene na sa darating na Sabado?
Sabi ni Tito Joey, hindi pa talaga alam kung ano ang mangyayari dahil ang daming nagaganap, ang daming suggestions kung ano ang susunod na tagpong mapapanood sa Kalyeserye.
BOOM: Naging paboritong paksa ng mga netizen ang post ni Oyo Boy Sotto tungkol sa insidenteng nangyari kung saan muntik nang sagasaan si Oyoboy kasama ang mga anak niya. Ipinost ni Oyo ang kotseng may plate number na 8 na kung saan gusto pa raw silang sagasaan nang tumawid sila.
Kuwento ng aktor sa kanyang IG account, “You one rude Representative/Congressman! We were crossing the street with my children infront of Acacia Hotel and you didn’t want to let us pass! Parang inip na inip ka, gusto mo pa akong banggain just because I stopped and was waiting for my children to cross.
“That’s why most of the people do not respect or obey the law it’s because of people like you, who is not being a good leader! Bastos ka talaga. Oo nga pala maraming nakakita.”
May nag-post nga na mga naka-witness na nagpapatunay na totoo itong sumbong ni Oyo.
Nabanggit na rin na isang itong Congressman sa Bulacan, pero may mga nag-react na kumpirmahin muna nang mabuti at may pruweba bago magbanggit ng pangalan. Mukhang hahaba pa ang isyung ito dahil sa rami ng netizens na nag-react at gustong alamin kung sino ang pulitikong ito.
Tiniyak kasi ni Oyo na ang mismong pulitikong ito ang nagda-drive at hindi ang driver lang.
- Latest
