Richard napapabayaan na naman sa kusina
Nakita ko si Richard Gutierrez sa awards night ng FAMAS. Gwapung-gwapo pa rin siya. Pero kung mag-aartista pa rin siya ay kailangan niyang magbawas ng timbang.
Mukhang napapabayaan na niya ang sarili niya sa kusina!
Local movies ayaw pa rin tantanan ng mga pirata
Kawawa naman ang prodyuser ng maraming pelikula na napapanood kahit na sa mga bus, gayung wala pa itong kopya sa video tulad ng Heneral Luna. Wala bang magawa rito ang anumang ahensya ng gobyerno para mapigilan ang patuloy na pamimirata ng ating mga lokal na movies na sa mga bus na lamang ipinapalabas?
Sayang ang mga ginagastos ng mga prodyuser kung libre lamang na napapanood ang marami nating pelikula.
Tama na ang parinigan at awayan
Sa halip na mag-away-away ang mga manonood ng dalawang pangtanghaling programa ng magkalabang Dos at Siete ay magpasalamat na lang sila dahil kuha nila ang pagtangkilik ng manonood.
Tama na ‘yang parinigan at magkasya na lang sila sa pagpapaganda ng programa nila. In the end ay ang pinakamagandang may offer sa manonood ang panalo.
- Latest
