Hindi nagpakabog sa Hermes ni Kris, Kim namigay ng Louis Vuitton
Nagbigayan ng regalo sina Kris Aquino, Kim Chiu, at Claudine Barretto after ng shooting nila ng Etiquette for Mistresses. Naunang nagbigay ng Hermes wallet si Kris sa co-stars niya pati kay Iza Calzado.
Next na nagregalo ay si Kim ng hindi namin alam kung ano, basta Louis Vuitton ang brand ng gift niya kay Claudine. Si Claudine ay jewelry ang regalo at sabi ni Iza, singsing ang laman ng jewelry box na pinost niya sa Instagram (IG). Ang regalo na lang ni Iza ang hindi pa namin nadidiskubre at aalamin natin.
Samantala, bukas na, Wednesday ang first day ng Star Cinema movie. Iti-treat ni Kris ang kanyang fans na makakasabay niya ang ilang napili na manood ng movie sa first at block screening sa Podium. May naka-schedule ring block screening sa Pampanga na pupuntahan din ni Kris.
Hindi na maabot! Alden higit 200 ang bantay para ‘di masaktan sa mall show
Tuloy na ang concert ni Bryan White sa Smart Araneta Coliseum sa December 1 at sa rami ng AlDub Nation na manonood, tiyak na sa first day release ng tickets sa Thursday ay marami agad ang bibili para hindi sila maubusan.
Dahil pala sa 25.6-M tweets last Saturday sa hash tag na #ALDubEBforLOVE, naging Official World Record Holder from Record Setter ito. “#ALDubEBforLOVE from the Phils.& Eat Bulaga was tweeted 25,652,800 times in 24 hours.”
Samantala, extended ang pakilig nina Alden Richards at Maine Mendoza aka Yaya Dub sa AlDub Nation last Sunday sa kanilang mga tweet na obviously ay para sa isa’t isa. Ibinuking ng ate ni Maine na nanood siya ng Sunday PinaSaya kung saan isa si Alden sa mainstay at host ng segment na Chef Boy Next Door.
‘Yung babaeng napili para tumikim sa niluto ni Alden at nagtanong kung puwedeng sa kanya na lang si Alden, after a few minutes ay sinagot ni Maine via Twitter ng “Hindi puwede.” Siguradong nabasa ni Alden ang tweet ni Maine dahil sinagot niya ang tweet nito ng “@mainedcm Hindi naman ako magpapakuha sa iba eh.:)” Ayun, sumabog na naman ang kilig ng kanilang fans.
Balitang Alden pa rin, hindi na ito basta-basta makapag-mall show dahil sa rami ng tao na pumupunta sa mga mall. Sa last mall show nito last Sunday sa Bacoor, Cavite, kinailangan ng 60 policemen, 100 civilian volunteers at 50 marshalls for his security para hindi ito masaktan. Paano pa ‘pag sabay na sila ni Maine sa mall show?
Janine itsapuwera na kay Alden
Tuloy na ang soap ni Janine Gutierrez, pero hindi na si Alden Richards ang kapareha nito. Ibang aktor na at kinukumpirma pa namin ito dahil hindi rin daw ang boyfriend nitong si Elmo Magalona ang kanyang makakapareha. Nalaman din naming hindi ang GMA ETV ang hahawak ng soap kundi ang GMA News & Public Affairs.
Binanggit sa amin ang pangalan ng aktor na makakapareha ni Janine, pero sabi ng isang source, hindi pa ‘yun ang leading man ng aktres at guest lang kaya hindi muna namin isinulat. Pero ang director ay si Adolf Alix, Jr.
- Latest
