Hugyawnatic

Dear Banat Hugyaw,

Thankful kay ko nga Lunes na pud kay mag-atang gyud ko permi kung unsa napud nga love story ang akong mabasahan, kung naa bay ka pariha sa akong storya bahin sa gugma. Pero nakahuna-huna ko nga ako napud ang mo share sa akong love story sa atong mga kaHUGYAWnatics.

By the way ako diay si Nadith, dili na nako tinoud nga pangalan pero daghan pud ang motawag nako ana. I'm 18 yrs old ug taga Lahug Cebu, City.

Wala ko kahibalo kung normal ba kini akong gibati sa usa ka lalaki. Ay! laki ba gyud diay siya? Nakalimot ko nga di diay siya pure nga lalaki kay babaye siya og pamati. Hinuon kung tan-awn lang nimo siya sa iyang pisikal nga hitsura, lalaki gyud siyang tan-awn pero kung paisturyahon ug palihukon na nimu siya,  pwerting  lubara. Pero bisag kahibalo gud ko nga bayot, siya ang gipitik sa akong kasingkasing kay love gyud naku siya. Ambot wa ko kasabot nganung ingong niini ka grabi akong gibati ngadto kaniya. Ug para makasabot mo sa akong buot ipasabot,  magsugod ta kung asa ni siya niturok.

Usa ni siya ka Sinulog choreographer, 23 years old ug nagtrabaho na karun as call center agent. Di lang naku ibutyag iyang pangalan kay wa pa siya kahibalo sa akong pagbati ngadto kaniya.

But anyways, dinhi nagsugod ang tanan, samtang sige pami og practice sa Sinulog. Magpasayop nalang ko sa ubang dance steps para tudluan ko niya ug ma solo naku siya. Ug sa miabot ang  adlaw nga nahuman na ang Sinulog, nangayo  ko sa iyang cellphone number aron lang gyud magkakita gihapon mi.

Mag sige mi og text-text sa usag-usa, ug didto nagkailhanay ming duha. Naa mi mga similarities nga panghitabo sa life maong dali rapud ming nagkasuod ug nagkasinabot. Sa dihang nakaila nako niya og maayo, na ganahan hinuon ko niya og samot ug tungod sa akong admiration kaniya , gihimo naku siyang inspirasyon sa akong pag-eskwela. Ug sa akong grabi nga pag-admire niy , nakahimu pud ko'g usa ka "poem" nga na -published gyud naku sa amung school paper kay usa man ko sa mga journalist sa among school before.

Dili gyud naku ma- explain akong kalipay kung kuyog naku siya, kay grabe siya ka caring naku. Matud pa niya nga mura na daw ko'g manghod niya. Mao sigurong ingon niana nalang siya makada'g care kanako.

Sungogon nalang gud kos akong mga barkada nga nagmantinir nalang daw ko'g bayot ug murag nawagtangan og paglaum sa gugma.  Wrong ba diay nang ma -admire sa usa ka bayot? Maong suphon gyud naku sila permi nga "You can't dictate what your heart desires". Pero kay barkada man daw ko nila mo support nalang daw sila naku.

Hangtud karun naa gihapon mi- communication sa usag-usa .  Usahay sa di damhon nga panghitabo magkakita gyud mi sa usa ka lugar nga kung asa siya naa pud ko ug magkasultianay gyud mi sa among pagtagbo. Karun makaingon na gyud  ko nga " Love is blind" gyd diay nga " Gender will never matter when it comes to love, as long as you love each other" Naks! Daydream ra gyud ni kutob ani hahahah! Bitaw dinhi nalang ko kutob ug daghang salamat Banat News Hugyaw! Mo request lang ko sa lyrics nga "In Love Ako Sayo" by Darren Espanto. Thank you again and more power to your section.

Hi Nadith! Thank you so much sa imong LOVE STORY! Paabuta ugma puhon ang lyrics sa kanta nga mahaom sa imong love story.

Dear HUGYAWnatics, aduna ba kamo'y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News

Corner V. Gullas and D. Jakosalem Streets

Barangay Sto. Nino

6000 Cebu City,

Philippines