Trabaho to the max

CEBU, Philippines – Nakatabang gyud kang Wally Bayola ang iyang pagka-stage actor kaniadto sa maayo niya nga performance karon sa AlDub kalyserye sa Eat Bulaga. Dili lalim ang karakter ni Wally gumikan kay gawas sa iyang role nga Lola Nidora, siya usab ang mayordoma nga si Rhianna. Giingong kapoy kaayo ang maong trabaho apan wala gyud moreklamo niini si Wally gumikan kay daghan ang nalingaw kaniya.

Ang Probinsyano karong gabii na

Sugdan na karong gabii ang serye  ni Coco Martin nga Ang Probinsyano  sa ABS-CBN. Naghinam-hinam na ang aktor sa mahimong resulta niini. Makauban ni Coco sa maong serye sila si Maja Salvador ug Bela Padilla.

Dedmahay gihapon

Nagdedmahay gihapon sa  usag-usa sila si Kathryn Bernardo ug Nadine Lustre sa backstage sa It's Showtime niadtong Sabado.  Aduna'y tsika nga matud pa ganahan unta motagad og una si Nadine apan nagpanagana kini nga basin dili siya tagdon ni Kathryn.

Party sa prisohan

Mitikang ang mga suod nga higala ni  Senator Bong Revilla, Jr. sa selebrasyon sa iyang birthday  sa miaging adlaw sa  PNP Custodial Center sa Camp Crame. Migahin gyud og oras sa maong okasyon sila si Tonton Gutierrez , Glydel Mercado ,  Congressman Alfred Vargas ug Pauleen Luna.

Ipasalida sunod buwan

Madayon gyud ang pagpasalida sunod buwan ang pelikula ni Michael Pangilinan nga Pare Mahal Mo Raw Ako . Wala pa'y tataw  petsa apan gipasalig ni Michael  nga giplantsa na kini karon.Nalakip usab  sa maong pelikula  sila si Edgar Allan Guzman , Nora Aunor, Ana Capri, Hopia, Matt Evans, Joross Gamboa, Miggy Campbell ug Nikko Seagal.

Aprobado ni daddy

Okay lang kang Gabby Concepcion nga modawat og sexy project ang iyang anak nga si KC Concepcion. Suma pa sa aktor nga naa na sa saktong edad si KC ug nasayod  na kini sa iyang buhaton.

Mosamot kalig-on

Wala'y plano si  James Reid nga panguyaban ang iyang ka-loveteam nga si Nadine Lustre apan  andam siya sa posibilidad nga ma-develop siya  puhon ngadto sa aktres. Sa pagka-karon, gi-enjoy lang ni James ang ilang tandem. Nasayran nga mo-click gyud ang magka-loveteam nga dili uyab sama sa sitwasyon  kaniadto  nila ni Bea Alonzo ug John Lloyd Cruz.

Maricel mosuporta ni Mar

Gibutyag ni  Maricel Soriano nga si Mar Roxas gyud ang iyang i-endorso  pagka-presidente  sunod tuig.  Suma pa sa aktres nga nasayod siya sa maayong batasan ni Mar busa musuporta gyud siya niini.

Kathniel nabalaka

Miulbo karon ang tsika nga nabalaka karon sila si Daniel Padilla ug Kathryn Bernardo sa nagkahinay nga rating sa Pangako Sa 'Yo. Nasayran nga nagkagubot karon ang fans nila ni Nadine Lustre ug James Reid gumikan sa laing serye sa ABS-CBN nga On The Wings of Love. Gitambagan hinuon ang Kathniel sa ilang mga higala nga dili makig-kompetensya ilabi na sa mga artista nga kauban ra usab nila sa network.

Positibo lang

Panawagan ni Luis Manzano ngadto sa viewers sa  mga   noontime show ngad  dili lang unta dinaotay sa usag-usa  ug ipatigbabaw ang positibo nga mga butang. Nasayran nga wala gihapo'y hunong ang panagtigi sa pipila ka fans sa AlDub sa Eat Bulaga ug Pastillas Girl sa It's Showtime.