Sen. Bong hindi ramdam na sa kulungan nag-birthday
Parang hindi naman nakakulong ni Sen. Bong Revilla. Naging masaya ang pagdiriwang niya ng kanyang kaarawan. Isang araw na walang patid na dumating ang mga kaibigan niya sa Camp Crame para maki-celebrate.
Bukod sa napakaraming handa, nagkaroon pa ng isang banal na Misa. Buo ang pamilya ng senador na umagapay sa kanya. Maligayang bati senador!
Alden at Maine may pressure na magkarelasyon
Matapos ang panliligaw ni Alden Richards kay Yaya Dub, ang hihintayin ng televiewers ay ang pagiging magkarelasyon nila. O, baka naman tumanda na sila bago pa sila magkaroon ng relasyon. Huwag naman!
Benjamin namamangka sa dalawang ilog
Hindi naman siguro totoo na may kasabay na niligawan si Benjamin Alves bukod kay Glaiza de Castro. Kung totoo, aba baka katapusan na ng karera niya.
Ayaw ng tao sa namamangka sa dalawang ilog. Kaya ikaw Benjamin, pumili ka lang ng isa at siyang ligawan mo!
- Latest
