ALDub 22 million twets vs. Showtime 6.56 million tweets!

CEBU, Philippines - Wa ka piog sa pwersa sa AlDubNation ang tulo ka mga lig-ong loveteam sa ABS-CBN kagahapon nga maoy gihimong pang alkontra batok sa sikat kaayo nga AlDub o Alden Richards ug Maine “Yaya Dub” Mendoza loveteam sa Eat Bulaga sa GMA7.

Kana kun ang gidaghanon sa tweets gamit ang usa ka hashtag maoy basehan.

Nasayran nga ang #ALDubEBforLOVE nga maoy gigamit kagahapon sa Eat Bulaga alang sa labing unang pagpamisita ni Alden kang Yaya Dub didto sa mansion ni Lola Nidora (Wally Bayola), nihipos og  22 million tweets mga alas singko pa lamang sa hapon.

Giguba niini ang kaugalingong record nga natala sa nilabay nga Sabado pinaagi sa   #ALDUBMostAwaited nga nitala og 12.1 million tweets.

 Sa nilabay nga Sabado nahitabo ang labing unang date sa AlDub o duha ka bulan sukad namugna ang loveteam nila ni Alden ug Yaya Dub pinaagi sa Eat Bulaga segment Juan for All, All for Juan nga gilangkuban usab sa sikat nga JoWaPao o Jose (Manalo), Wally ug Paolo (Ballesteros).

Labihan gayud ka lig-on sa suporta nga gibubo sa AlDubNation (fans club sa AlDub) ngadto sa ilang mga idolo sanglit sa wala pa nagsugod ang Eat Bulaga kagahapon, giguba na nila ang kaugalingon nilang record sa nilabay nga Sabado pinaagi sa 13 million tweets.

Nasayran nga 20 million tweets lamang ang gi-target nga record sa Eat Bulaga kagahapon alang sa maong episode kagahapon nga nagpakita sa unang pagpamisita

Samtang pambato sa It’s Showtime kagahapon alang sa ilang ika-unom nga kasumaran sa kahanginan mao ang giisip nga tulo ka mga labing lig-on nga loveteams sa network nga mao ang KathNiel (Kathryn Bernardo ug Daniel Padilla), JaDine (James Reid ug Nadine Lustre), ug LizQuen (Liza Soberano ug Enrique Gil).

Didto sa Smart Araneta Coliseum gipahigayon sa It’s Showtime ang ilang episode kagahapon diin gigamit nila ang #ShowtimekapamilyaDay nga nitala og 6.56 million mga alas singko kagahapon sa hapon.

Pasidunggan sa CBCP

Lakip ang Catholic Bishops Conference of the Philippines (CBCP) ug ang Papal Visit Twitter accounts nigamit usab sa #ALDubEBforLOVE sa ilang mga tweets kagahapon.

Dinhi gipahibawo usab sa CBCP nga pasidunggan nila ang Kalyeserye sa Eat Bulaga mutambong man o dili sila si Yaya Dub ug Lola Nidora atol sa Catholic Social Media Summit nga ipahigayon didto sa Laguna karong October 10-11.

Nakadayeg ug nakauyon kaayo ang CBCP sa mga pagtulun-an nga gipakita sa Eat Bulaga pinaagi sa Kalyeserye niini nga makita Lunes hangtud Sabado.

Tweet pa sa CBCP: Kapag manliligaw, pumunta sa bahay at harapin ang pamilya ng nililigawan. #ALDubEBforLOVE

Samtang ang Papal Visit Twitter account nagkanayon nga aduna matud pay milyones nga pamaagi sa pagpadayag og gugma, apan bugtong usa lamang ang nipatigbabaw: Action.

CBCPNews @cbcpnews

Papal Visit 2015 @papalvisitph

“There are millions of ways to express love but only one stands out from the rest. ACTION and it starts from ALDUB You! #ALDubEBforLOVE,” ang kumpletong tweet sa Papal Visit Twitter account.

Gidayeg usab sa Papal Visit Twitter account ang eksena sa Kalyeserye kagahapon diin gisiguro gyud ni Lola Nidora nga dili law-ay tan-awon si Yaya Dub sa iyang biste atol sa pagpamisita ni Alden.

Papal Visit 2015 @papalvisitph

Tweet niini: 1 Timothy 2:9 Likewise also that women should adorn themselves in respectable apparel, with modesty and self-control, #ALDubEBforLOVE