AlDub pumalo sa 22M ang tweet, Showtime naka-6.6

SEEN: As of 6:00 pm yesterday, 22 million ang tweets para sa AlDubEBforLove ng Eat Bulaga at  6.66 million para sa ShowtimeKapamilyaDay ng It’s Showtime.

SCENE: Diri ang reaksyon ng nakararami sa paghalik ni Vice Ganda sa labi ni Karylle sa song number niya kahapon sa It’s Showtime.

SEEN: Ikinabigla ni Karylle ang lip service ni Vice Ganda dahil hindi niya inaasahan ang gagawin ng kanyang co-host.

SCENE: Kung may date scene  kahapon sina Alden Richards at Maine Mendoza sa isang mansion sa kalyeserye ng Eat Bulaga, may date scene din sina Vhong Navarro at Anne Curtis sa It’s Showtime sa Smart Araneta Coliseum

SCENE: Pink ang motif ng baby shower para kay Marian Rivera na ginanap kahapon sa grand ballroom ng Marriott Hotel.

SEEN: Ang paglalasing at pagwawala sa eroplano ang naaalaala ng mga tao kapag napapanood nila sa telebisyon si Enrique Gil.

SCENE: Magkakasama na napanood kahapon sa isang production number sa It’s Showtime ang loveteams nina Kathryn Bernardo at Daniel Padilla,  Liza Soberano at Enrique Gil, James Reid at Nadine Lustre. Sa ASAP lang sila dati napapanood na magkakasamang kumakanta.

SEEN: Spotted kahapon sa isang acupuncture clinic sa Ateneo University si ABS-CBN President Charo Santos-Concio.