AlDub may 2nd date sa Sabado
MANILA, Philippines – Muli na namang aabangan ng AlDub Nation ang pangalawang date ng split-screen love team nina Alden Richards at Maine Mendoz alyas Yaya Dub sa Kalyeserye ng longest running noontime show Eat Bulaga.
Sa episode kanina ay niregaluhan ni Lola Nidora na ginagampanan ni Wally Bayola ng cupcakes sina Alden at Yaya Dub.
Pitong cupcakes na may tig-iisang letra ang ibinigay ni Lola Nidora, kung saan nabuo ang salitang “mansion.”
“Alden, Yaya, binubuksan ko na ang pinto ng mansion ko para madalaw mo si Yaya sa Sabado,” wika ni lola.
“Alden, I welcome you to my mansion,” dagdag niya na nagpakilig na naman sa fans ng AlDub pati na rin kina Lola Tinidora (Jose Manalo) at Lola Tidora (Paolo Ballesterors).
“Sa Sabado, puwede ka na umakyat ng ligaw sa mansyon, Alden.”
Ito na ang pangalawang date nina Alden at Yaya Dub matapos magtala ng 12.1 milyon tweets ang kanilang mga fans nitong nakaraang Sabado.
- Latest
