Jaclyn at Lauren may masamang balak kay Megan!

MANILA, Philippines - Sa pagpapatuloy ng Marimar, hindi nakapagtalik sina Sergio (Tom Rodriguez) at Marimar (Megan Young) sa kanilang honeymoon dahil nakatulog si Sergio.

Sa kanilang pamamasyal ay nadikya naman si Sergio at si Marimar ang gumamot sa kanya. Maalala ni Sergio na minsang nadikya rin siya noong bata pa siya at isang batang babae (Marimar) ang gumamot sa kanya. Destiny nga ba silang dalawa? Natapos ang araw at natuloy din ang pagtatalik nila bilang mag-asawa.

Samantala, namumroblema si Renato (Ricardo Cipeda) sa sales ng resort nila at makakaisip si Sergio ng isang magandang marketing plan.

Habang nangangabayo naman si Marimar ay pinainan siya nina Angelika (Jaclyn Jose) at Antonia (Lauren Young) ng ahas kaya nahulog ito.

Hindi naman nasaktan nang malubha si Marimar mula sa pagkakahulog, at lalo lang silang naging sweet ni Sergio in full view ng mag-inang Angelika at Antonia.