Sabwatang Claudia at Bea Bianca laban kina Angelo at Yna, kasado na
MANILA, Philippines – Magsasanib pwersa sina madam Claudia Buenavista (Angelica Panganiban) at Beabianca (Sarah Carlos) para sirain ang pagmamahalan nina Angelo (Daniel Padilla) at Yna (Kathryn Bernardo) sa top-rating teleserye na Pangako Sa’Yo simula ngayong linggo.
Sa episode noong Biyernes (Setyembre 18), pinagtapat ni madam Claudia kay Coring (Jhai Ho) ang kanyang maitim na balak para sirain ang pag-iibigan ng anak na si Angelo at Yna. Ayon kay Claudia, sisiguraduhin niyang mawawalan ng oras sa isa’t isa sina Angelo at Yna.
Nakahanap naman ng kakampi si Claudia kay Beabianca na kanyang bibigyan ng importanteng papel para tuluyang matupad ang pangarap niyang paghiwalayin sina Angelo at Yna.
Paano sisimulan nina Claudia at Beabianca ang plano laban sa pag-iibigan nina Angelo at Yna?
Para sa karagdagang impormasyon, bisitahin lamang ang social media accounts ng Star Creatives (Twitter.com/StarCreatives) at (Instagram.com/StarCreatives).
Samantala, maaring mapanood ang mga nakalipas na full episodes ng Pangako Sa’Yo gamit ang Abs-CBNmobile.
- Latest
