Nanay ni Heart makakahatak din ng boto para kay Sen. Chiz
Malaking tulong din sa kandidatura ni Sen. Chiz Escudero bilang bise presidente na makita sa kanyang announcement ang biyenan niyang babae na si Ginang Cecile Ongpauco na dati ay inaayawan siya pero ngayon ay todo suporta sa kanya. Napakahirap nga namang kumbinsihin ang mga tao na iboto siya kung mismong ang nanay ng asawa niyang si Heart Evangelista ay hindi niya makumbinse na suportahan siya.
Kris hindi kayang maglihim kay Bimby
Kahanga-hanga rin naman ang ginawang pag-amin ni Kris Aquino na dalawang ulit sa buhay niya ay naging kabit siya dahil nang magkaroon siya ng karelasyon ay hindi pa annulled ang mga lalaki sa kanilang mga asawa.
Hindi naman ito lingid sa lahat dahil isang open book ang buhay niya.
Tanging ang anak niyang si Bimby ang pinagtapatan niya nang malaki na ito at kailangan nang malaman ang naging sitwasyon niya. Ang anak niya ang pinakamahalagang tao na dapat ay makaalam ng istorya ng buhay niya at ang opinyon at pang-unawa nito ang mahalaga sa kanya.
Gf ni EA nakahinga, Maxene may iba na
Buti naman at may lovelife na si Maxene Magalona. Makakahinga na ng maluwag ang girlfriend ng inirereto sa kanyang si Edar Allan Guzman.
Isang musikero daw ang bagong boyfriend ng anak ng Master Rapper. Pero, sa edad na 28 ay wala pa sa isip ni Maxene ang pag-aasawa, pwera na lamang kung ang boyfriend niya ang magpasok ng ideyang ito at yayain siyang mag-asawa na.
- Latest
