Pauleen aamin na sa kasal nila ni Vic!

May interbyu ngayon si Jessica Soho kay Pauleen Luna at kung tama ang pagkakaintindi ko, mapapanood bukas sa Kapuso Mo, Jessica Soho ang exclusive interview ni Mama Jess sa soon-to-be bride ni Vic Sotto.

Siyempre, tungkol sa love affair at wedding plans nila ni Bossing ang topic ng kuwentuhan nina Pauleen at Mama Jess.

Pinagkakatiwalaan si Mama Jess ng lahat ng kanyang mga nakakapanayam. Malay natin, baka mapilit niya si Pauleen na sabihin nito ang exact date ng pag-iisang dibdib nila ni Bossing.

Kailangang i-edit CelebriTV hindi pwedeng live!

Nag-taping kami noong Huwebes para sa CelebriTV at mapapanood ito ngayong hapon, 4:00 p.m., sa old timeslot ng Startalk na nagbabu sa ere noong nakaraang Sabado.

Nanibago ako dahil nasanay ako sa live show pero gaya nang paulit-ulit na sinasabi ko, it’s worth the wait dahil kakaiba ang CelebriTV.

Hindi puwedeng live ang show namin nina Papa Joey de Leon, Papa Ricky Lo, at AiAi Delas Alas dahil maloloka ang televiewers sa mga pinagsasabi namin. Hindi naman kailangan ng mahigpit na patnubay ng mga magulang ang CelebriTV dahil naka-bleep ang mga shocking dialogue.

Willie hindi wagi sa pamimigay ng blessings

Sina Willie Revillame at Alden Richards ang mga special guest namin sa pilot telecast ng CelebriTV.

Ang feeling talaga ni Willie, nasa studio ito ng Wowowin dahil nag-share siya ng blessings sa audience.

Hindi successful ang pamamahagi ni Willie ng biyaya dahil nakalimutan niya na bigyan ako. ‘Yun lang!

It’s a must na abangan ang pilot episode ng CelebriTV dahil sa mga bagong revelation ni Willie na bagay na bagay sa show namin.

Alden walang reklamo kahit matagal pinaghintay

Mabait na bata talaga si Alden Richards dahil from Eat Bulaga studio, dumiretso na siya sa GMA 7 para sa taping ng CelebriTV.

Matagal na naghintay si Alden pero walang reklamo na narinig mula sa kanya. Tahimik lang siya sa dressing room at nagpamasahe habang hinihintay na mag-roll ang mga TV camera.

Handang-handa na si Alden sa date nila ngayon ni Yaya Dub.

Excited na si Alden na makita for the third time si Yaya Dub.

Walang idea si Alden kung saan mangyayari ang lunch date nila ni Yaya Dub. Imposible rin na sabihin ng Eat Bulaga staff ang location dahil tiyak na dudumugin ito ng AlDub fans.

Big deal sa tatlong lola ni Yaya Dub ang date na mangyayari ngayon. Nakikialam sila sa damit na isusuot ni Yaya, may-I-check nila kung malinis ang kanyang kuko at pati ang hininga niya, inamoy ng mga lola ‘ha?

Aiza ayaw pang lumabas sa Sunday PinaSaya

Mga guest bukas sa Sunday PinaSaya ang cast ng Princess in the Palace sa pangunguna nina Ryzza Mae Dizon at Eula Valdez.

Kasama sa cast ng Princess in the Palace si Aiza Seguerra pero hindi siya aapir sa Sunday PinaSaya bilang respeto sa Sunday show na pinanggalingan niya at pinagsabihan siya na magpahinga muna habang umeere sa telebisyon ang morning teleserye ng TAPE, Inc. at APT Entertainment.