Spotlight
CEBU, Philippines – Tingog pa lang daan, siguradong makapatandog gyud sa emosyon sa tawo ug usa kini sa kalidad sa Cebuano performer nga si Daryl Shane Paulin Leong kinsa ang adbokasiya mao ang pagpalambo og samot sa lokal nga musika.
Mahiligon si Daryl sa pagkanta ug kanunay gayud siya makadaog sa mga kompetisyon nga iyang salmutan ilabi na nga sakop siya sa grupong Huni Sugbo uban nila ni Wilson Po ug Benjie Layos.
Dili mabangbang ang kaanindot sa iyang tingog busa paborito siya nga kuhaon isip interpreter sa mga kanta nga ginama sa Cebuano composers. Ang iyang grupo maoy nagkanta sa grand prize winning entry sa Cebu Pop niadtong 2012 nga nag-ulohan og “Ulan” nga mugna ni Eugene Tan.
Niadtong 2008, napili siya nga best interpreter sa awit nga Man is But a Visitor nga entry sa award-winning composer nga si Jude Gitamondoc sa Sounds of the Human World didto sa nasud sa Malaysia.
Uban pa niyang kadaugan naglakip niining musunod: Interpreter, Best Original Song sa 9th Golden Screen Awards 2011 for the OST of the film Ligo na U Lapit na Me, (Sa Muling Pagtatagpo); Best Interpreter and Grand Champion, Best Interpreter and Grand Champion, Hunino Songwriting Contest 2013( I’ll Always Turn to You) kauban ang iyang grupo nga Hubi Sugbo.
Apan karong tuiga , mikisaw og samot ang pangalan ni Daryl human kanunay nga madunggan sa pipila ka mga radio station ang awit niya nga Pangandoy.
Misikat karong panahona ang Pangandoy nga ginama nila ni John Stephen Cadelina ug Irving Ladanan Guazon. Ang maong awit maoy nakalangkat sa ikaduhang puwesto sa Vispop 3.0 ug siya usab ang napili nga Best Interpreter.
Usa ka registered nurse si Daryl ug kasamtangan siya nga nagtrabaho karon sa usa ka pribadong kompanya nga nagbase dinhi sa Cebu.
Pwes ato siyang ilailahon!
Q & A
BNH: Pila imong edad nga nagsugod ka og kanta?
Daryl: Five years old ko nagsugod og kanta-kanta.
BNH: Human sa VisPop, unsa ang sunod nimo nga target?
Daryl: Wala pa, but if something comes along the way, tan -awon lang nato.
BNH: Unsa imong tambag sa mga tawo nga ganahan mapareha nimo nga dunay talento sa pagkanta?
Daryl: We should know by heart kung unsa gyud atong ganahan buhaton sa atong music. Then everything will follow.
BNH: Unsa imong sekreto sa kanindot sa imong tingog?
Daryl: Saktong pahuway, walay inom ug sigarilyo. Maminaw kanunay og music dala practice.
BNH: Kung ikaw pagawon, mopadayon gihapon ka sa pagkanta?
Daryl: Kung naay gig nga naka-commit na, kanta gyud gihapon, pero kung wala ra, di ra pod naku pugson.
BNH: Gawas sa pagkanta, unsa pa ang lain nimo nga mga talento?
Daryl: Wala pa naku ma- discover, hehe.
BNH: Gawas sa nindot nga tingog, unsa pa angayan nga qualities nga naa sa usa ka singer?
Daryl: Kinahanglan kahibaw gyud maminaw di lang kay sa music kung di sa ato pud tingug.Kung sakto pa ba atung giigo nga notes. Humility, kay basig manghambog ta sa atung ka maayo unya naa pay daghang maayo diha. Lastly magpasalamat gyud ta sa Ginoo sa kung unsa ang naa nato karon.
BNH: Adunay mga musical variety show sa telebisyon nga pakantahon nila ang mga artista bisan dili nindot og tingog, unsa imong ikasulti ana?
Daryl: Okay ra ko ana. Kahibaw ta nga di tanan makauyon sa ilang gibuhat. Pero naa man sad mga tawo nga malipay sa ilang gibuhat maskig di kaayo nindot. Kato na lang nangalipay atong ihapon .
BNH: Kinsa ang ganahan nimo nga political figure ug ngano man?
Daryl: Mayor Rodrigo Duterte kay dili gyud basta-basta ang iyang nabuhat sa Davao. Nindot kaayo ang pagkadala niya sa peace and order sa ilang lugar. Daghan na kaayo siya og achievements maong ganahan kay ko niya.
BNH: Unsa nga qualities sa girl ang imong gipangita?
Daryl: Buotan, mahadlokon sa Ginoo, ug labaw sa tanan kinahanglan kahibalo morespeto sa iyang isigkatawo.
BNH: Unsa’y unod sa awit nimo nga Pangandoy?
Daryl: It’s about longing for something or someone nga imposible maabot busa ipaagi na lang nato kini og kanta.
BNH: Kinsa ang singer nga pangandoy nimo nga makauban sa entablado ug ngano man?
Daryl: Mariah Carey, bahalag back up lang ko , okay na kay na nako. Ganahan ka’y ko sa iyang tingog, kay unique kaayo.
BNH: Imong ikasulti sa Cebu music scene.
Daryl: Lumalaban gyud, kay daghan na kaayo ang mga kanta nga gikan sa Cebu ang ilado na kaayo. Maayo gyud mobuhat og kanta ang mga Cebuano.
Pahugyaw questions
BNH: Naa na ka’y uyab ron?
Daryl: Wala
BNH: Target nimo nga edad nga magminyo ka.
BNH: Unsa man gyud imong “Pangandoy” sa kinabuhi?
Daryl: Ang makit-an ang akong kalipay.
Daryl: Wala pa gyud sa akong hunahuna kanang butanga. Trabaho pa man akong giatiman karon, seguro maabot ra nang butanga puhon. Dili pa nako prayoridad.
BNH: Dili nimo makalimtan nga experience nga gikataw-an ka og maayo sa mga tawo.
Daryl: Duna na’y time nga naa ko’y gikantahan pagbira naku sa mic from the stand kay naibot ang wire then nadiretso ang mic sa akong ngipon, smile gihapon.
My Favorite DJ Season 6
As of 2pm, September 15, 2015
1. DJ Ru (Oomph Radio 105.1) 297
2. James “Spider“Kaka (MOR 97.1) 288
3. Prinsepe Amante (Brigada News FM 93.1) 261
4. Papa Piolo Askal (Barangay RT 99.5) 253
5. DJ Kimyat (MOR 97.1) 250
6. DJ Ace (MOR 97.1) 249
7. Boy Maxoy (MOR 97.1) 237
8. Papa Joe (Barangay RT 99.5) 178
9. Macho Bibo (107.5 Win Radio) 173
10. Lady Dada (107.5 Win Radio) 160
Napili na pinaagi sa text votes ang Top 10 nga maoy mupadayon sa ikaduhang hugna diin pilion ang Top 5, nga maoy hingpit nga magtigi pinaagi sa pagpadaghanay na og likes sa official facebook page sa Banat Hugyaw sulod sa 10 ka adlaw. Ang pagpili sa Top 5 mahitabo karong September 17, HUWEBES sa alas dos sa hapon. Pwes ipadayon ang suporta sa imong paborito aron masulod siya sa Top 5 pinaagi niini:
1. Supurtahi ang mong favorite DJ, pinaagi sa pag-text sa imong ngalan ug address unya ngalan ug estasyon sa imong paborito nga DJ. Ipadala ka na ngadto sa 09363784330 Example: Gladys Versache, Guadalupe, Cebu City. (Pangalan sa DJ ug pangalan sa station).
2. I-like ang among FB page aron makasuporta ka sa imong paborito kun ugaling mu-abante siya ngadto sa ikaduhang hugna. I-like ang Banat News Hugyaw – BNH sa Facebook.
- Latest
