Isabelle hindi pinapanood ni Gloria

Nalalapit na ang pagtatapos ng teleseryeng Nathaniel na unang soap opera na nagawa ni Isabelle Daza sa ABS-CBN.

Magkahalong emosyon na ang nararamdaman ng aktres dahil halos isang taon din niya nakatrabaho ang kanilang buong grupo sa nasabing soap opera.

“I’m excited to see the end ng show, only because I wanna know talaga what’s going to happen. But siyempre matagal na rin, almost November kami nag-tape, one year na rin kaming magkakasama. It’s a bit poignant, it’s beautiful and painful but I’m happy about it,” bungad ni Isabelle.

Hindi raw napapanood ng inang si Gloria Diaz ang mga ginagawa ni Isabelle sa telebisyon. Sinusunod na lamang daw ng dalaga ang lahat ng payong ibinibigay sa kanya ng ina. “She always says to act with your eyes and speak with your eyes, and you’re only as good as your last scene. So kailangang galingan mo ‘yan kasi hindi naman malalaman ng audience if 4 a.m. na ‘yan na-take. What they’re going to see is the final take hindi naman alam ng audience na pagod ka, so ‘yun,” pagbabahagi ni Isabelle.

Sa ngayon ay hindi pa raw alam ng aktres kung ano ang susunod niyang gagawing proyekto sa Kapamilya network. “I’m happy with Nathaniel now, I’m very challenged. I don’t expect them to give me everything right away. Siyempre, kailangan ko pa ring i-prove ang sarili ko and ‘yung kakayanan ko,” nakangiting pahayag ni Isabelle.

Jasmine friendship lang ang kayang ibigay kay Brian

Kamakailan ay naging usap-usapan ang pagbisita ng anak ni Senator Grace Poe-Llamanzares kay Jasmine Curtis Smith habang nasa isang event ang aktres.

Posibleng nanliligaw daw si Brian kay Jasmine pero mas gusto raw ng dalaga na mag-focus muna sa kanyang career.

“It’s not just him, I think, for me to lie and entertain other people, it would be unfair on them because I can’t reciprocate the effort and the time with what I want to do right now,” paliwanag ni Jasmine.

“At saka siyempre, ‘pag ako naman, walang trabaho, mas gusto ko na lang magpahinga or I want to focus on the friendships that I’m making. So if ever naman, I’m not shooing them away. Gusto ko rin naman silang maging friends. If ever willing silang maging friends, game ako,” dagdag pa niya.

Nangangahulugan kaya na wala ng pag-asa kay Jasmine si Brian? “He’s someone I can see myself being friends with. He understands where I’m coming from. He knows na I’m very busy and we both know naman our priorities as well. I’m not ready to have a boyfriend but you can never tell when you’re ready. Everyone has a chance with everyone. Pero siyempre, depende rin ‘yon sa priorities mo and what you’re focusing on at that time, for now work muna,” giit pa ng dalaga.