Miss Pastillas isinasabong ng Showtime sa AlDub!

Imbes na maging bitter, Gab Valenciano dapat pang magpasalamat; GF ni Jake Cuenca mukhang bakla

SEEN: Ang introduction kahapon ni Pauleen Luna sa Eat Bulaga na si Pia Wurtzbach ang reigning (Bb. Pilipinas-Universe) ngayong taon. Reigning na, ngayong taon pa.

SCENE: Imbes na maging bitter at magreklamo tungkol sa star system sa Pilipinas, dapat magpasalamat si Gab Valenciano dahil sumikat at naging singing star ang kanyang tatay na si Gary Valenciano. Kung walang Gary Valenciano, lalong mahihirapan si Gab na maka-penetrate sa local show business.

SEEN: Isang unknown na Miss Pastillas ang itinatapat ng It’s Showtime sa AlDub tandem nina Alden Richards at Yaya Dub ng Eat Bulaga

SCENE: Sa September 21 ang pilot telecast ng The Ryzza Mae Show Presents Princess in the Palace, ang feel-good morning teleserye ni Ryzza Mae Dizon.

SEEN: Nagpapakalalim si Rhian Ramos sa mga interbyu sa kanya tungkol sa Silong, ang indie movie nila ni Piolo Pascual. Malaki ang maituturo ni Piolo kay Rhian para matuto ito ng wastong pagsasalita ng American language dahil mali-mali ang syntax ng leading lady niya sa Silong.

SCENE: Ang mga bus advertisement ni Mark Lapid tungkol sa tourism na nagagamit sa kanyang plano na pagkandidato na senador sa 2016. Si Mark ang chief operating officer ng Tourism Infrastructure and Enterprise Zone Authotrity (TIEZA).

SEEN: Kalokalike ni Maria Sofia Love si Sara Grace Kelly, ang girlfriend ni Jake Cuenca na date niya sa 9th Star Magic Ball noong September 12.

SCENE: Hinahangaan ang pagtatanggol at proteksyon na ibinibigay ni Didith Garvida sa kanyang anak na si Jessy Mendiola na biktima ng kabastusan ng ilang fans ni Enrique Gil. Hinihikayat si Garvida na ituloy ang pagsasampa ng harassment case laban kay Enrique.