MMFF entries, hanggang October 26 na lang ang deadline

MANILA, Philippines - Hanggang October 26 na lang ng taong kasalukuyan mayro’n ang mga filmmaker para isumite ang kani-kanilang mga entry para sa Animation at Full feature category ng New Wave Section ng Metro Manila Film Festival (MMFF) 2015.

Pangungunahan ni MMDA Chairman Francis Tolentino, na siya ring umuupo bilang Chairman ng MMFF, ng annual mainstream ng nasabing festival.

“These independent movies represent the ideals and aspirations of the youth. They are the future of Philippine cinema,” sabi ni Chairman Tolentino.

Bukas ang Full Feature category para sa mga independent production outfits na kinunan ang pelikula ng taong 2014 o ng mas maaga. Hindi rin maaring ilahok ang mga entry sa ibang local at international festival at mayro’n dapat 75 minutes na total running time.

Ang magwawagi ng Best Picture sa Full Feature category ay mag-uuwi ng P300,000 at P200,000 para sa Special Jury Prize, magwawagi naman ng P50,000 each ang mapipiling Best Actress, Best Actor, at Best Director. Sa kauna-unahang pagkakataon, tatanggap din ng cash prize na nagkakahalaga ng P25,000 ang mananalong Best Supporting Actress and Actor.

Samantala, ang mga lalahok sa Animation category ay dapat mayro’ng 12 minutes maximum total running time. Ang Best Picture sa Animation section at tatanggap ng P100,000 cash prize at P50,000 ang naghihintay para sa Special Jurry Prize winner.

Para sa mga isasaling entry sa lahat ng kategorya, puwede itong i-submit nang personal sa MMFF Cinema Building, EDSA corner Orense Streets, Guadalupe Nuevo, Makati City o i-email sa [email protected].

Mapapanood ang mga finalist para a new wave section sa December 17 hanggang 24 sa Glorietta 4 at SM Cinemas.

In-organize ng MMDA ang MMFF para makatulong sa pagpapaganda at pagpapanatili sa pagtangkilik ng mga pelikulang Pilipino.