Ibang artista bumaba na sa lebel ng mga basher

Natututo na ang mga artista na harapin ang kanilang bashers sa social network kung hindi man harapan ay sa pamamagitan ng mga mensahe. Nagagawa tuloy nilang bumaba sa level ng bashers na matapang lamang dahil hindi harapan ang laban.

Cool lang guys. Kung hindi n’yo kaya ang bashers, huwag n’yo na lang silang pansinin. Talo kayo kapag nakipag-away sa kanila dahil sa inyong pangalan.

Anggulo ni Megan ‘di dapat pabayaan

May mga nagsasabing may hindi magagandang anggulo na lumalabas si Megan Young sa Marimar. Hindi raw ba ito nakikita ng direktor kaya hindi niya nareremedyuhan?

Please direk Dom Zapata, alamin mo ang mga right angles ng artista mo, para ‘yun lang ang palaging ipalabas mo.

Unfair kay Megan na masabihan na may pangit na angle. Pakiayos lang!

Xian tinutukan ang akting

Walang dahilan para hindi mapaganda ang acting ni Xian Lim sa pelikula niya with Gov. Vilma Santos at Angel Locsin. Inaalalayan kasi siya ng Star for All Seasons. Tinutulungan nito si Xian sa kanyang lines at itinuturo kung paano kumalma kapag may mga eksena na sila.

Hindi naman nagpapabaya si Xian dahil pinaghahandaan niya ang kanyang trabaho, ginagawa ang kanyang homework na lubos na na-appreciate ng kanyang dalawang kasamahang aktres.