Ahron ug Cacai nagkahigugmaay?

CEBU, Philippines - Gidungog nga nakagusto na sa usa’g-usa sila si  Ahron Villena ug Cacai Bautista  human nagsagunson ang gipang-post nila nga mga  hulagway sa Instagram samtang nag-uban sa pagpanuroy. “Hindi ko po alam eh. Basta masaya lang po kami. Lumalabas kami tapos masaya,” saysay pa ni Cacai sa interview niya sa “Aquino & Abunda Tonight”.

Sagunson ang proyekto

Human sa seryeng Baker King sa TV5, molugwa si Jackie Lou sa bag-ong serye sa GMA-7 nga Destiny Rose nga pagabidahan ni Ken Chan.  Malipayon ang aktres gumikan sa nagsagunson niya nga proyekto.

Ikaw na gyud Darren!

Dili na gyud mabangbang si Darren Espanto, human nagmalampuson ang iyang debut album, gitrabaho na usab karon sa singer ang iyang ikaduhang album. Masaligon si Darren nga malingaw ang iyang fans sa mga unod sa iyang  upcoming album.

Princess in the Palace

Nakapili na og final title ang TAPE, Inc sa serye nga pagabidahan ni Ryzza Mae Dizon. Gikan sa The First Daughter, gihimo na kini og Princess in the Palace.

Erich naaksidente

Nabun-og ang paa ni Erich Gonzales human nahulog ang gimaneho niya nga pedicab sa lungagon nga  dalan. Nahitabo kini sa taping sa serye nila ni Daniel Matsunaga nga Be My Lady.

Temporaryong mawala

Temporaryong dili makita si Ken Chan sa programang Walang Tulugan gumikan sa ka-busy niya sa taping sa seryeng Destiny Rose. Busy usab siya sa pag-promote sa iyang album.

Nikki mopahuway sa ASAP

Gibutyag ni Nikki Gil nga mopahuway una siya sa ASAP aron maka-focus sa preparasyon sa umaabot nila nga kasal sa iyang boyfriend nga si BJ Albert karong November. “There’s just really other things that need my attention. Like life, life is happening and I want to be there to witness it. I just really want to enjoy this because I’m only going to be a bride once,” saysay pa ni Nikki ngadto sa ABS-CBN News.

Magdugay pa

Gi-extend sa TV5 ang mga programa sa  IdeaFirst Company ni Jun Lana  gumikan sa kakusog niini sa viewers ug nauyonan  usab kini sa advertisers. Ang maong mga programa naglangkob sa  LolaBasyang.com ug  #ParangNormalActivity.

Nauyonan sa pamilya

Malipayong gipahibalo ni Coleen Garcia nga nauyonan og maayo sa iyang pamilya ang boyfriend niya nga si Billy Crawford. Tsika pa ni Coleen istrikto nga pagkatawo ang iyang amahan apan dako  kining uyon kang Billy.  (Sanden J. Anadia)