Kinsay nagpainom kang Enrique? Jape ug Paulo managsamang nangambot

CEBU, Philippines - Sama kang Jake Cuenca, nanghimakak sab si  Paulo Avelino nga silang duha maoy naggalgal kang Enrique Gil nga muinom og Black Label diin nahubog kini ug nagwala sa eroplano sa pagpaingon sa ASAP stars sa London sa nilabay nga semana.

Kun si Jake niingon nga wala siya nasayud sa nahitabo sanglit natulog siya atol sa ilang flight, si Paulo nagkanayon nga inimbento lamang ang istorya nga nigawas sa usa ka entertainment blogsite kabahin sa nahitabo.

“Yeah, as we all know, lagi naman, e.

“Ako, sa mga nasulat sa akin, everything is fabricated and, kumbaga, it’s not the real story.

“Sa akin, kung gusto niyo sigurong malaman ang totoong istorya, mas okay na sigurong manggaling kay Quen [Enrique],” nagkanayon si Paulo ngadto sa www.pep.ph ug sa uban pang sakop sa press nga nitambong sa press conference sa iyang pelikula nga “Resureksyon” niadtong Huwebes sa gabii.

Matud sa tinubdan

Kahinumduman nga ang www.fashionpulis.com maoy nipagawas sa balita nga sila matud pa ni Paulo ug Jake ang nipainom kang Enrique.

Walay klarong detalye kun giunsa gyud niya  si Jessy Mendiola, apan gisamukan matud pa ang dalaga sa gihimo ni Enrique ngadto kaniya. Dinhi na matud pa ni eksena si Luis isip pagdepensa kang Jessy.

Nagkatinubagay sila si Enrique ug Luis ug nitumaw ang init nga panaglalis, apan wala matud pa nagsumbagay kay na-uwang sila sa ilang mga kaubanan.

Apan sa post ni IC Mendoza nga gimantala sab sa www.fashionpulis.com, may blind item kini kabahin sa usa ka sikat nga young actor nga nahubog matud pa sakay sa eroplano paingon sa Europe diin, “ sinusuntok at kinukulit daw nito ang kasamang young actress.”

Dinhi nahitabo ang komosyon.

Dugang pa ni IC sa iyang post, gisagpa ni Liza Soberano ang iyang ka loveteam gumikan sa ka kiat na niini.

Samtang mismong ang PEP adunay testigo nga nagkanayon nga nakita matud pa niya nga gihatagan sa flight attendants og baso nga may Black Label sila si Paulo ug Jake ug gitunol nila kini ngadto kang Enrique.

“Oo nga, e, lagi siguro, although...

“Well, I had nothing to do with it.

“It’s better talaga to wait for what Enrique... for Enrique’s official statement,” ni Paulo pa ngadto sa PEP.

Ug nitambag pa siya kang Enrique pinaagi sa pag-ingon, “Live life… Live life and learn from your mistakes. Go on with life.

“Mabait naman na bata si Enrique.

Limpyo ang konsensiya

Samtang si Jake sa lahi nga interview sa PEP niingon nga nakugang matud pa siya pagkadungog niya sa maong balita sanglit natulog matud pa siya atol sa ilang flight. Gidayeg pa gani siya sa iyang handler kay wala matud pa siya nagpabadlong didto sa London.

“Sa totoo lang, nagulat ako. Nagulat ako kasi talagang hindi ako involved sa issue.

“In fact, natawa ako kasi parang nung umaga lang, sabi ko, ‘Grabe! Natuwa ako kasi binigyan ako ng best in behavior award ng [Star Magic] handler ko na si Kuya Al [Alan Real].’

“Sabi niya, ‘Uy, wow ha! Behaved ka sa London, nagbago ka na, Jake! Mature ka na.’

“Sabi ko, ‘Oo naman, Kuya Al. Ako pa ba? Iba na ako ngayon.’

“Tapos nung 2 A.M. ng umaga [September 10], ‘Ano ‘to?’ Sabi ko, ‘Saktong-sakto naman.’”

Niya pa, “Malinis po ang konsensiya ko, hindi talaga ako involved.”

Alden moanhi sa Cebu karong Oct. 2

Gipaabot nga mahudyaka ang Cebuano fans sa pagtekang na gayud dinhi sa Sugbo sa giilang  Pambansang Bae nga si Alden Richards karong October 2.

Kini pinaagi sa Grand Kapuso Fans Day sa maong adlaw, 6PM diha sa Gaisano Island Mall- Mactan.

May mga nagduda nga dinhi ipahigayon ang sunod nga challenge ni Lola Nidora (Wally Bayola) alang kang Alden. May mga nikomedya pa gani nga hayan palangoyon matud pa ni Lola si Alden gikan sa Lapu-Lapu paingon sa Mandaue isip challenge.

Nasayran nga misaka og samot ang popularidad sa aktor gumikan sa tandem nila ni Yaya Dub o Maine Mendoza sa AlDub Kalyeserye sa Eat Bulaga.

Nagsagunson na pud ang endorsements sa duha  kung diin usa na niini ang  ilang commercial sa usa ka fast food chain nga gipistahan dayon sa netizens human kini gi-post sa social media.

Kagahapon usab nilugwa na ang labing una nilang TV commercial alang sa usa ka fastfood chain diin nakaangkon dayon kini og kapin sa milyon ka tweets sulod lamang sa usa ka oras.

Kasamtangan usab karon nga gitrabaho ang bag-o niya nga album ubos sa GMA Records.

Samtang ang  istorya sa kinabuhi ni Alden maoy makita sa episode karong gabii sa Magpakailanman kung diin usa sa masuta sa mga tawo ang kaaktibo niya kaniadto sa pagsalmot og mga male pageant.  (Sanden J. Anadia)