Baron mawili sa Nathaniel

CEBU, Philippines – Gibutyag ni Baron Geisler nga seguradong mingawon gyud siya sa seryeng Nathaniel sa ABS-CBN inig abot sa panahon nga mahuman na kini. Suma pa sa aktor nga positibo kaayo ang aura sa set sa maong serye busa mawili gyud siya niini.

Mirespeto sa same sex relationship

Gitataw ni Ana Capri nga iyang girespeto ang mga babaye nga duna’y relasyon sa susama gihapon nila nga babaye. Suma pa sa aktres nga kung mao kini ang ikalipay sa tawo, kinahanglan kini nga suportahan ug respitohan.

Okay ra

Dili big deal alang kang Derek Ramsay nga second choice ra siya sa pelikula nila ni Coleen Garcia nga Ex With Benefits nga padayong gilinyahan sa mga sinehan karong adlawa.  Ang labing importante alang sa aktor nga nahatagan niya og hustisya ang iyang role. Kahinumduman nga si Sam Milby gyud unta ang bida sa maong pelikula apan busy ang aktor sa dihang gisugdan kaniadto ang shooting niini busa gihatag na lang kini ngadto kang Derek.

Kever ang ASAP

Wala manumbaling ang programang ASAP sa negatibong reaksyon sa uban nila nga viewers kalabot sa pagbutang og comedy segment sa maong programa. Gipadayon gihapon kini sa ASAP niadtong Domingo.

Nakatabang ni April Boy

Gibutyag ni April Boy Regino nga dako gyud og natabang ang pipila niya ka mga higala sa pagpa-opera sa iyang mata. Pipila sa mitabang kaniya mao si Manny Pacquiao nga mihatag og P500,000 samtang si Willie Revillame midonar usab og P100,000.

Miundang sa paghupot og artista

Nagmaya si  Annabelle Rama gumikan sa  init nga paghangop sa mga tawo sa  Season 3 sa  reality show nga It Takes Gutz To Be A Gutierrez. Temporaryong gibuhian ni Annabelle ang iyang trabaho isip talent manager sa mga artista  aron maka-focus sa maong reality show.

Minilyon ang kantidad

Gihugonhugon nga kapin sa usa ka milyon ang kantidad sa engagement ring nga hinatag ni Vic Sotto ngadto sa  iyang girlfriend nga si Pauleen Luna.  Wala matud pa manumbaling ang TV host sa presyo gumikan kay espesyal si Pauleen sa iyang kinabuhi.

Myrtle ug Sam giintriga

Giklaro ni Myrtle Sarrosa nga dili angayan himuong isyu ang kasuod nila ni Sam Concepcion kinsa kauban niya nga contestant sa Your Face Sounds Familiar Season 2. Suma pa sa aktres nga close niya ang tanang contestants sa maong show busa nakugang siya sa maong intriga.

Jodi malingaw sa AlDub

Aktibo si Jodi Sta. Maria   sa pag-post og mensahe sa iyang Twitter account kalabot sa  pagkahimuot  niya sa  Aldub Kalyeserye sa Eat Bulaga sa GMA-7. Malingaw gyud ang aktres sa love story nila ni Alden Richards ug Maine Mendoza.

Anak ni Marian giatngan

Aduna na’y mga kompanya karon nga nag-atang sa umaabot nga anak nila ni Marian Rivera ug Dingdong Dantes aron himoon kini og endorser.

Apan giklaro ni Marian nga dili pa siya ganahan nga i-expose dayon sa kamera  ang umaabot niya nga anghel .

Dugang pa niya nga maabot ra ang saktong panahon alang niini  ug gusto niya mag-enjoy siya sa pag-atiman sa bata.